ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಪ್ರೊ ವಾಲಿಬಾಲ್ ಲೀಗ್‌: ಕ್ಯಾಲಿಕಟ್ ಜಯಭೇರಿ

Last Updated 5 ಫೆಬ್ರುವರಿ 2019, 16:22 IST
ಅಕ್ಷರ ಗಾತ್ರ

ಕೊಚ್ಚಿ: ಅಮೋಘ ಆಟವಾಡಿದ ಕ್ಯಾಲಿಕಟ್‌ ಹೀರೋಸ್ ತಂಡ ಪ್ರೊ ವಾಲಿಬಾಲ್ ಲೀಗ್‌ನ ಮಂಗಳವಾರದ ಪಂದ್ಯದಲ್ಲಿ ರೋಚಕ ಜಯ ಸಾಧಿಸಿತು.

ಇಲ್ಲಿನ ರಾಜೀವಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಯು ಮುಂಬಾ ವಾಲಿ ಎದುರಿನ ಪಂದ್ಯದಲ್ಲಿ ತಂಡ 3-2ರಿಂದ ಗೆದ್ದಿತು. ನಾಲ್ಕು ಸೆಟ್‌ಗಳು ಮುಕ್ತಾಯಗೊಂಡಾಗ ಉಭಯ ತಂಡಗಳು ಸಮಬಲ ಸಾಧಿಸಿದವು. ಹೀಗಾಗಿ ಕೊನೆಯ ಸೆಟ್ ರೋಚಕವಾಗಿತ್ತು. ಜೆರೋಮ್ ವಿನೀತ್ ನಾಯಕತ್ವದ ಹೀರೋಸ್ ಅಮೋಘ ಆಟವಾಡಿ ಜಯ ತನ್ನದಾಗಿಸಿಕೊಂಡಿತು.

ಮೊದಲ ಸೆಟ್‌ನಲ್ಲಿ ಹೀರೋಸ್‌ 15–10ರಿಂದ ಗೆದ್ದು ಶುಭಾರಂಭ ಮಾಡಿತು. ಆದರೆ ಎರಡನೇ ಸೆಟ್‌ನಲ್ಲಿ ಯು ಮುಂಬಾ ತಿರುಗೇಟು ನೀಡಿ 15–12ರಿಂದ ಗೆದ್ದಿತು. ಮೂರನೇ ಸೆಟ್‌ನಲ್ಲಿ ಉಭಯ ತಂಡಗಳು ಜಿದ್ದಾಜಿದ್ದಿಯ ಕಾದಾಟಕ್ಕೆ ಮುಂದಾದವು. ಹೀರೋಸ್‌ 15–13ರಿಂದ ಗೆದ್ದು ಮುನ್ನಡೆ ಸಾಧಿಸಿತು.

ನಾಲ್ಕನೇ ಸೆಟ್‌ನ ಆರಂಭದಲ್ಲಿ ಯು ಮುಂಬಾ ಆಧಿಪತ್ಯ ಸ್ಥಾಪಿಸಿತು. ಆದರೆ ಪಟ್ಟುಬಿಡದ ಹೀರೋಸ್ ಪ್ರತಿ ಕ್ಷಣವೂ ತಿರುಗೇಟು ನೀಡುತ್ತ ಸಾಗಿತು. ಕೊನೆಗೆ ಯು ಮುಂಬಾ 15–14ರಿಂದ ಗೆದ್ದು ಸಂಭ್ರಮಿಸಿತು. ಕೊನೆಯ ಸೆಟ್‌ನಲ್ಲಿ ಯು ಮುಂಬಾ ಸಪ್ಪೆಯಾಯಿತು. ಹೀರೋಸ್‌ 15–9ರಿಂದ ಗೆದ್ದು ವಿಜಯೋತ್ಸವ ಆಚರಿಸಿತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT