ಪಂಚಕುಲ: ನಾಯಕಿ ಪೂಜಾ ಧಂಡಾ ಮತ್ತು ಸಂದೀಪ್ ತೋಮರ್ ಅವರ ಅಪೂರ್ವ ಸಾಮರ್ಥ್ಯದ ಬಲದಿಂದ ಎಂ.ಪಿ.ಯೋಧಾ ತಂಡ ಪ್ರೊ ಕುಸ್ತಿ ಲೀಗ್ನಲ್ಲಿ (ಪಿಡಬ್ಲ್ಯುಎಲ್) ಚೊಚ್ಚಲ ಗೆಲುವು ದಾಖಲಿಸಿದೆ.
ತವು ದೇವಿಲಾಲ್ ಒಳಾಂಗಣ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಎಂ.ಪಿ.ಯೋಧಾ 4–3 ಯಿಂದ ಡೆಲ್ಲಿ ಸುಲ್ತಾನ್ಸ್ ತಂಡವನ್ನು ಪರಾಭವಗೊಳಿಸಿತು.
ಐದು ಬೌಟ್ಗಳ ಹೋರಾಟ ಮುಗಿದಾಗ ಯೋಧಾ 2–3 ಯಿಂದ ಹಿನ್ನಡೆ ಕಂಡಿತ್ತು. ಆರನೇ ಹೋರಾಟದಲ್ಲಿ ಪೂಜಾ 6–0ಯಿಂದ ರುಮೇನಿಯಾದ ಕ್ಯಾಥರಿನಾ ಜಯೆದಾಚಿವಾಸ್ಕ ಅವರನ್ನು ಸೋಲಿಸಿ 3–3 ಸಮಬಲಕ್ಕೆ ಕಾರಣರಾದರು.
ನಿರ್ಣಾಯಕ ಏಳನೇ ಬೌಟ್ನಲ್ಲಿ ಸಂದೀಪ್ 9–7ಯಿಂದ ಡೆಲ್ಲಿ ತಂಡದ ಪಂಕಜ್ ಅವರನ್ನು ಮಣಿಸಿ ಯೋಧಾ ತಂಡದ ಸಂಭ್ರಮಕ್ಕೆ ಕಾರಣರಾದರು.