ನವದೆಹಲಿ: ಇಥಿಯೋಪಿಯಾದ ಚಾಲಾ ರೆಗಾಸ ಮತ್ತು ಕೀನ್ಯಾದ ಐರಿನ್ ಚೆಪ್ಟಾಯ್ ಅವರು ದೆಹಲಿ ಹಾಫ್‌ ಮ್ಯಾರಥಾನ್‌ನಲ್ಲಿ ಕ್ರಮವಾಗಿ ಪುರುಷ ಮತ್ತು ಮಹಿಳೆಯರ ವಿಭಾಗದಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದರು.
ಭಾನುವಾರ ನಡೆದ ಪುರುಷರ ವಿಭಾಗದ ಸ್ಪರ್ಧೆಯಲ್ಲಿ ರೆಗಾಸ 1 ತಾಸು 30 ಸೆಕೆಂಡುಗಳಲ್ಲಿ ಗುರಿ ತಲುಪಿದರು. ಮಹಿಳೆಯರ ರೇಸ್‌ನಲ್ಲಿ ಐರಿನ್ 1 ತಾಸು 6 ನಿಮಿಷ 42 ಸೆಕೆಂಡುಗಳಲ್ಲಿ ಅಂತಿಮ ಗೆರೆ ಮುಟ್ಟಿದರು.
ಭಾರತೀಯ ಎಲೀಟ್‌ ಪುರುಷರ ವಿಭಾಗದಲ್ಲಿ ತೀವ್ರ ಪೈಪೋಟಿ ನಡೆಯಿತು. ಹಾಲಿ ಚಾಂಪಿಯನ್ ಅವಿನಾಶ್ ಸಬ್ಳೆ ಮತ್ತು ಕಾರ್ತಿಕ್ ಕುಮಾರ್ ಇಬ್ಬರೂ 64 ನಿಮಿಷಗಳಲ್ಲಿ ರೇಸ್‌ ಮುಗಿಸಿದರು. ಆದರೆ ಮರುಪರಿಶೀಲನೆಯ ಬಳಿಕ ಭಾರತ ಅಥ್ಲೆಟಿಕ್‌ ಫೆಡರೇಷನ್‌ನ ತಾಂತ್ರಿಕ ಅಧಿಕಾರಿಗಳು ಅವಿನಾಶ್ ಅವರನ್ನು ವಿಜೇತರೆಂದು ಘೋಷಿಸಿದರು.
ಭಾರತೀಯ ಎಲೀಟ್‌ ಮಹಿಳೆಯರ ವಿಭಾಗದಲ್ಲಿ ಸಂಜೀವನಿ ಜಾಧವ್ ಕಿರೀಟ ಧರಿಸಿದರು. ಅವರು 1 ತಾಸು 17 ನಿ. 53 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದರು. ಮೋನಿಕಾ ಅಥಾರ ಎರಡನೇ ಸ್ಥಾನ ಗಳಿಸಿದರು.
