ನವದೆಹಲಿ: ಎಫ್ಐಎಚ್ ನೇಷನ್ಸ್ ಕಪ್ ಹಾಕಿ ಟೂರ್ನಿಯಲ್ಲಿ ಭಾರತ ಮಹಿಳಾ ತಂಡವನ್ನು ಗೋಲ್ಕೀಪರ್ ಸವಿತಾ ಪೂನಿಯಾ ನಾಯಕಿಯಾಗಿ ಮುನ್ನಡೆಸಲಿದ್ದಾರೆ. ದೀಪ್ ಗ್ರೇಸ್ ಎಕ್ಕಾ ಉಪನಾಯಕಿಯಾಗಿದ್ದಾರೆ.
ಸ್ಪೇನ್ನಲ್ಲಿ ಡಿಸೆಂಬರ್ 11ರಿಂದ 17ರವರೆಗೆ ನಡೆಯಲಿರುವ ಟೂರ್ನಿಗೆ ನವಜೋತ್ ಕೌರ್ ತಂಡಕ್ಕೆ ಮರಳಿದ್ದಾರೆ. ಬರ್ಮಿಂಗ್ಹ್ಯಾಮ್ನಲ್ಲಿ ಈ ವರ್ಷದ ಆರಂಭದಲ್ಲಿ ನಡೆದ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿಕೋವಿಡ್ ಕಾರಣದಿಂದ ಅವರು ಆಡಿರಲಿಲ್ಲ.
ನೇಷನ್ಸ್ ಕಪ್ ಮಹತ್ವದ ಟೂರ್ನಿಯಾಗಿದ್ದು ಇಲ್ಲಿ ಚಾಂಪಿಯನ್ ಆದವರು ಎಫ್ಐಎಚ್ ಮಹಿಳಾ ಪ್ರೊ ಲೀಗ್ಗೆ ಬಡ್ತಿ ಪಡೆಯುತ್ತಾರೆ. ಭಾರತ ತಂಡವು ಬಿ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಚಿಲಿ, ಜಪಾನ್, ದಕ್ಷಿಣ ಆಫ್ರಿಕಾ ಈ ಗುಂಪಿನಲ್ಲಿವೆ.
ಡಿ.11ರಂದು ಮೊದಲ ಪಂದ್ಯದಲ್ಲಿ ಸವಿತಾ ಬಳಗ ಚಿಲಿ ಎದುರು ತನ್ನ ಅಭಿಯಾನ ಆರಂಭಿಸಲಿದೆ.