ಆರಂಭದಲ್ಲಿ ಹಿನ್ನಡೆ: ಸೌರಭ್, ಪಂದ್ಯದ ಆರಂಭದಲ್ಲಿ 0–4ರ ಹಿನ್ನಡೆ ಅನುಭವಿಸಿದ್ದರು. ನಂತರ ಚೇತರಿಸಿಕೊಂಡು ಸುಲಭವಾಗಿ ಪಾಯಿಂಟ್ಗಳನ್ನು ಗಳಿಸಿ ವಿರಾಮದ ವೇಳೆ 11–9ರಲ್ಲಿ ಮುನ್ನಡೆದರು. ನಂತರ ಸತತ ಮೂರು ಪಾಯಿಂಟ್ ಗಳಿಸಿದರು. ಆದರೆ ತಿರುಗೇಟು ನೀಡಿದ ಎದುರಾಳಿ ಆಟಗಾರ 18–18ರ ಸಮಬಲ ಸಾಧಿಸಿ ಪ್ರೇಕ್ಷಕರ ಚಪ್ಪಾಳೆ ಗಿಟ್ಟಿಸಿಕೊಂಡರು. 20–19ರ ಮುನ್ನಡೆ ಗಳಿಸಲು ಯಶಸ್ವಿಯಾದ ಮಿನೊರು ಗೇಮ್ ಕೈವಶ ಮಾಡಿಕೊಳ್ಳುವ ಕಸನು ಹೊತ್ತಿದ್ದಾಗಲೇ ಸೌರಭ್ ಆಘಾತ ನೀಡಿದರು. ಸತತ ಮೂರು ಪಾಯಿಂಟ್ ಗಳಿಸಿ ಗೇಮ್ ವಶಪಡಿಸಿಕೊಂಡರು.