ಬೆಂಗಳೂರು: ಅದಿತಿ ಅವರ ಉತ್ತಮ ಆಟದ ನೆರವಿನಿಂದ ಜೆಎಸ್ಸಿ ತಂಡ 13 ವರ್ಷದೊಳಗಿನವರ ರಾಜ್ಯ ಸಬ್ ಜೂನಿಯರ್ ಬ್ಯಾಸ್ಕೆಟ್ಬಾಲ್ ಟೂರ್ನಿಯ ಬಾಲಕಿಯರ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದೆ.
ಕಂಠೀರವ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಸೆಮಿಫೈನಲ್ನಲ್ಲಿ ಜೆಎಸ್ಸಿ 47–40 ಪಾಯಿಂಟ್ಸ್ನಿಂದ ಮೌಂಟ್ಸ್ ಕ್ಲಬ್ ಎದುರು ಗೆದ್ದಿತು.
ವಿಜಯೀ ತಂಡದ ಅದಿತಿ 17 ಪಾಯಿಂಟ್ಸ್ ಗಳಿಸಿದರು. ಮೊದಲಾರ್ಧದಲ್ಲಿ 21–25ರಿಂದ ಹಿನ್ನಡೆ ಕಂಡಿದ್ದ ಜೆಎಸ್ಸಿ, ದ್ವಿತೀಯಾರ್ಧದಲ್ಲಿ ಮೋಡಿ ಮಾಡಿತು. ಮೌಂಟ್ಸ್ ಕ್ಲಬ್ ತಂಡದ ಕರೀಷ್ಮಾ 10 ಪಾಯಿಂಟ್ಸ್ ಕಲೆಹಾಕಿದರು.
ನಾಲ್ಕರ ಘಟ್ಟದ ಇನ್ನೊಂದು ಪಂದ್ಯದಲ್ಲಿ ಭಾರತ್ ಎಸ್ಯು 40–18 ಪಾಯಿಂಟ್ಸ್ನಿಂದ ಯಂಗ್ ಓರಿಯನ್ಸ್ ತಂಡವನ್ನು ಸೋಲಿಸಿತು. ಭಾರತ್ ತಂಡದ ಶಿಕ್ಷಿತಾ 16 ಪಾಯಿಂಟ್ಸ್ ಗಳಿಸಿ ಮಿಂಚಿದರು.
ಬಾಲಕರ ವಿಭಾಗದ ಫೈನಲ್ನಲ್ಲಿ ಬೀಗಲ್ಸ್ ಬಿ.ಸಿ ಮತ್ತು ವಿಮಾನಪುರ ಎಸ್.ಸಿ ತಂಡಗಳು ಸೆಣಸಲಿವೆ.
ಮೊದಲ ಸೆಮಿಫೈನಲ್ನಲ್ಲಿ ಬೀಗಲ್ಸ್ 46–15 ಪಾಯಿಂಟ್ಸ್ನಿಂದ ಬಿ.ಸಿ.ಬಿ.ಸಿ ಎದುರು ಗೆದ್ದರೆ, ಮತ್ತೊಂದು ಪಂದ್ಯದಲ್ಲಿ ವಿಮಾನಪುರ 46–34 ಪಾಯಿಂಟ್ಸ್ನಿಂದ ಜೆಎಸ್ಸಿ ತಂಡವನ್ನು ಮಣಿಸಿತು.