ಅಜರ್‌ಬೈಜಾನ್‌ನ ಬಾಕುನಲ್ಲಿ ನಡೆಯುತ್ತಿರುವ ಟೂರ್ನಿಯ 50 ಮೀಟರ್ಸ್ ರೈಫಲ್ ತ್ರಿ ಪೋಸಿಷನ್ಸ್‌ನಲ್ಲಿ ಗುರುವಾರ ಅವರಿಗೆ ಪದಕ ಒಲಿದಿದೆ. 26 ವರ್ಷದ ಸ್ವಪ್ನಿಲ್, ಫೈನಲ್‌ನಲ್ಲಿ 10–16ರಿಂದ ಉಕ್ರೇನ್‌ನ ಸೆರಿಯ್ ಕಲಿಶ್ ಅವರಿಗೆ ಸೋತರು. 2016ರರಿಯೊ ಒಲಿಂಪಿಕ್ಸ್‌ನಲ್ಲಿ ಕಲಿಶ್ ಬೆಳ್ಳಿ ಪದಕ ಗಳಿಸಿದ್ದರು. ರ‍್ಯಾಂಕಿಂಗ್ ಸುತ್ತಿನಲ್ಲಿ ಕಲಿಶ್ 411 ಪಾಯಿಂಟ್ಸ್ ಗಳಿಸಿದರೆ, ಸ್ವಪ್ನಿಲ್ 409.1 ಪಾಯಿಂಟ್ಸ್ ಕಲೆಹಾಕಿದ್ದರು. ಕಂಚು ಜಯಿಸಿದ ಫಿನ್ಲೆಂಡ್‌ನ ಅಲೆಕ್ಸಿ 407.8 ಪಾಯಿಂಟ್ಸ್ ಸಂಗ್ರಹಿಸಿದ್ದರು. ಫೈನಲ್‌ನಲ್ಲಿ ಸ್ವಪ್ನಿಲ್ ಅವರಿಂದ ಹೆಚ್ಚು ಪೈಪೋಟಿ ನೀಡಲು ಸಾಧ್ಯವಾಗಲಿಲ್ಲ. ಆದರೆ ಉಕ್ರೇನ್ ಶೂಟರ್‌ ಪ್ರಾಬಲ್ಯ ಸಾಧಿಸಿದರು.
