ಬುಡಾಪೆಸ್ಟ್: ಭಾರತದ ಅರ್ಚನಾ ಕಾಮತ್ ಮತ್ತು ಮಧುರಿಕಾ ಪಾಟ್ಕರ್ ಇಲ್ಲಿ ನಡೆಯುತ್ತಿರುವ ಐಟಿಟಿಎಫ್ ವಿಶ್ವ ಚಾಂಪಿಯನ್ಷಿಪ್ನ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ನಿರಾಸೆ ಅನುಭವಿಸಿದ್ದಾರೆ. ಮೊದಲ ಸುತ್ತಿನಲ್ಲಿ ಗೆದ್ದಿದ್ದ ಇವರಿಬ್ಬರು ಎರಡನೇ ಸುತ್ತಿನಲ್ಲಿ ಸೋತು ಹೊರಬಿದ್ದರು.
ಮಂಗಳವಾರ ನಡೆದ ರೋಚಕ ಹಣಾಹಣಿಯಲ್ಲಿ ಅರ್ಚನಾ 11–8, 11–8, 19–17, 8–11, 6–11, 7–11, 4–11ರಲ್ಲಿ ಈಜಿಪ್ಟ್ನ ದಿನಾ ಮೆಶ್ರೆಫ್ಗೆ ಮಣಿದರು. ಮಧುರಿಕಾ 11–5, 9–11, 6–11, 11–8, 17–11, 11–13ರಲ್ಲಿ ಆಸ್ಟ್ರಿಯಾದ ಅಮೆಲಿ ಸೋಲ್ಜ ವಿರುದ್ಧ ಸೋತರು.
ಮಣಿಕಾ ಬಾತ್ರಾ ಮತ್ತು ಸುತೀರ್ಥ ಮುಖರ್ಜಿ ಮೊದಲ ಸುತ್ತಿನಲ್ಲಿ ಸುಲಭ ಜಯ ಸಾಧಿಸಿದರು. ಮಣಿಕಾ 14–12, 11–5, 11–5, 11–8ರಲ್ಲಿ ಸರ್ಬಿಯಾದ ಆ್ಯಂಡ್ರಿಯಾ ತೊಡೊರೊವಿಚ್ ಎದುರು ಗೆದ್ದರು. ಸುತೀರ್ಥ ಜರ್ಮನಿಯ ಸಬೈನ್ ವಿಂಟರ್ ವಿರುದ್ಧ 8–11, 17–15, 11–9, 5–11, 6–11, 11–8, 11–6ರಲ್ಲಿ ಗೆದ್ದರು.