ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹಾಂಗ್‌ಕಾಂಗ್‌: ಸ್ಪ್ರಿಂಟ್‌ ರೇಸ್‌ನಲ್ಲಿ ದುರ್ಘಟನೆ; ಎರಡು ಕುದುರೆಗಳಿಗೆ ದಯಾಮರಣ

ಮೂವರು ಜಾಕಿಗಳಿಗೆ ಗಾಯ
Last Updated 13 ಡಿಸೆಂಬರ್ 2021, 6:47 IST
ಅಕ್ಷರ ಗಾತ್ರ

ಹಾಂಗ್‌ಕಾಂಗ್‌: ರೇಸ್‌ನಲ್ಲಿ ಕುದುರೆಯೊಂದು ಮುಗ್ಗರಿಸಿ ಬಿದ್ದ ಪರಿಣಾಮ ಮೂವರು ಜಾಕಿಗಳು ಗಾಯಗೊಂಡು,ಎರಡು ಅಶ್ವಗಳಿಗೆ ದಯಾಮರಣ ನೀಡಿದ ಘಟನೆ ಭಾನುವಾರ ಇಲ್ಲಿ ನಡೆದಿದೆ.

ಇಲ್ಲಿನ ಪ್ರಸಿದ್ಧ ಶಾ ಟಿನ್‌ ಟ್ರ್ಯಾಕ್‌ನಲ್ಲಿ ನಡೆಯುತ್ತಿರುವ ಹಾಂಗ್‌ಕಾಂಗ್‌ ಗುಂಪು ಒಂದರ ರೇಸ್‌ನ ಐದನೇ ದಿನ ಜಾಕಿ ಲೈಲ್‌ ಹೆವಿಸ್ಟನ್‌ ಸವಾರಿ ಮಾಡುತ್ತಿದ್ದ ಕುದುರೆ ಮುಗ್ಗರಿಸಿ ಬಿತ್ತು. ಇದರಿಂದಾಗಿ ನಾಗಾಲೋಟದಲ್ಲಿದ್ದ ಜಾಕ್‌ ಪ್ಯೂರ್ಟನ್‌ ಅವರ ಲಕ್ಕಿ ಪ್ಯಾಚ್‌ ಹಾಗೂ ಕ್ಯಾರಿಸ್‌ ಟೀಟನ್ ಅವರ ನಬೂ ಅಟ್ಯಾಕ್‌ ಮತ್ತು ಯೂಚಿ ಫುಕುನಗಾ ಅವರ ಪಿಕ್ಸಿ ನೈಟ್‌ ಹೆಸರಿನ ಅಶ್ವಗಳು ಎಡವಿ ಬಿದ್ದವು.

ಘಟನೆಯಲ್ಲಿ ಗಾಯಗೊಂಡ ಸವಾರರಾದ ಪ್ಯೂರ್ಟನ್‌, ಹೆವಿಸ್ಟನ್‌ ಮತ್ತು ಫುಕುನಗಾ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ ಎಂದು ಹಾಂಗ್‌ಕಾಂಗ್‌ ಜಾಕಿ ಕ್ಲಬ್ ಹೇಳಿದೆ. ತೀವ್ರ ಗಾಯಗೊಂಡಿದ್ದ ಅಮೇಜಿಂಗ್‌ ಸ್ಟಾರ್‌, ನಬೂ ಅಟ್ಯಾಕ್‌ ಕುದುರೆಗಳಿಗೆ ದಯಾಮರಣ ನೀಡಲಾಯಿತು.

ಘಟನೆಯಲ್ಲಿ ಯಾವುದೇ ರೀತಿಯ ಗಾಯಗೊಳ್ಳದ ಟೀಟನ್ ರೇಸ್‌ಅನ್ನು ಪೂರ್ಣಗೊಳಿಸಿತು.

ಜಾಕಿ ಬ್ಲೇಕ್‌ ಶಿನ್‌ ಸವಾರಿ ಮಾಡುತ್ತಿದ್ದ ಕ್ಯಾಸ್ಪರ್‌ ಫೌನೆಸ್‌ ರೇಸ್‌ನಲ್ಲಿ ವಿಜಯ ಸಾಧಿಸಿತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT