ಸೋಮವಾರ, ಸೆಪ್ಟೆಂಬರ್ 20, 2021
23 °C

Tokyo olympics: ಪುರುಷರ ಬ್ಯಾಸ್ಕೆಟ್‌ಬಾಲ್‌‌ನಲ್ಲಿ ಅಮೆರಿಕ ಚಿನ್ನದ ಸಾಧನೆ

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

Prajavani

ಟೋಕಿಯೊ: ಒಲಿಂಪಿಕ್ಸ್‌ನ ಬ್ಯಾಸ್ಕೆಟ್‌ಬಾಲ್‌ ಸ್ಪರ್ಧೆಯಲ್ಲಿ ಅಮೆರಿಕ ತಂಡವು ಪ್ರಾಬಲ್ಯ ಮುಂದುವರಿಸಿದೆ.

ಪುರುಷರ ವಿಭಾಗದ ಫೈನಲ್‌ನಲ್ಲಿ ಅಮೆರಿಕ 87–82 ಪಾಯಿಂಟ್ಸ್‌ನಿಂದ ಫ್ರಾನ್ಸ್‌ ತಂಡವನ್ನು ಪರಾಭವಗೊಳಿಸಿತು. ಆ ಮೂಲಕ ಒಲಿಂಪಿಕ್ಸ್‌ನಲ್ಲಿ ಸತತ ನಾಲ್ಕನೇ ಚಿನ್ನ ಗೆದ್ದ ಸಾಧನೆ ಮಾಡಿತು.

ರೋಚಕ ಘಟ್ಟದಲ್ಲಿ ಮೋಡಿ ಮಾಡಿದ ಕೆವಿನ್‌ ಡ್ಯುರಾಂಟ್‌, ಅಮೆರಿಕ ಪಾಳಯದಲ್ಲಿ ಸಂತಸ ಮೇಳೈಸಲು ಕಾರಣರಾದರು. ಅವರು ಒಟ್ಟು 29 ಪಾಯಿಂಟ್ಸ್‌ ಗಳಿಸಿದರು. ಜೇಸನ್‌ ಟಾಟಮ್‌ 19 ಪಾಯಿಂಟ್ಸ್‌ ಕಲೆಹಾಕಿದರು.

ಮೊದಲ ಕ್ವಾರ್ಟರ್‌ನಿಂದಲೇ ಪಾರಮ್ಯ ಮೆರೆದ ಅಮೆರಿಕ ಆಟಗಾರರು 22–18ರಿಂದ ಮುನ್ನಡೆ ಗಳಿಸಿದರು. ಎರಡನೇ ಕ್ವಾರ್ಟರ್‌ನಲ್ಲಿ ಫ್ರಾನ್ಸ್‌ ಪ್ರಬಲ ಪೈಪೋಟಿ ಒಡ್ಡಿತು. ಈ ತಂಡ 21 ಪಾಯಿಂಟ್ಸ್‌ ಕಲೆಹಾಕಿತು. ಹೀಗಿದ್ದರೂ ಅಮೆರಿಕ 44–39 ರಿಂದ ಮುನ್ನಡೆ ಕಾಪಾಡಿಕೊಂಡಿತು. 

ಮೂರನೇ ಕ್ವಾರ್ಟರ್‌ನಲ್ಲೂ ಜಿದ್ದಾಜಿದ್ದಿನ ಪೈಪೋಟಿ ಏರ್ಪಟ್ಟಿತ್ತು. ಅಂತಿಮ ಕ್ವಾರ್ಟರ್‌ನಲ್ಲಿ ಫ್ರಾನ್ಸ್‌ ಅಮೆರಿಕಕ್ಕಿಂತ ಮೂರು ಪಾಯಿಂಟ್ಸ್‌ ಹೆಚ್ಚು ಕಲೆಹಾಕಿತ್ತು. ಹೀಗಿದ್ದರೂ ತಂಡದ ಚಿನ್ನದ ಕನಸು ಕೈಗೂಡಲಿಲ್ಲ.  

ಆಸ್ಟ್ರೇಲಿಯಾಕ್ಕೆ ಕಂಚು: ಕಂಚಿನ ಪದಕದ ಪೈಪೋಟಿಯಲ್ಲಿ ಆಸ್ಟ್ರೇಲಿಯಾ 107–93 ಪಾಯಿಂಟ್ಸ್‌ನಿಂದ ಸ್ಲೊವೇನಿಯಾವನ್ನು ಸೋಲಿಸಿತು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು