ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

35 ಕಿ.ಮೀ. ಕ್ರಮಿಸಿದ ಗುರ್‌ಪ್ರೀತ್‌ಗೆ ಸ್ನಾಯು ಸೆಳೆತ, ಸ್ಪರ್ಧೆಯಿಂದ ನಿರ್ಗಮನ

Last Updated 6 ಆಗಸ್ಟ್ 2021, 7:44 IST
ಅಕ್ಷರ ಗಾತ್ರ

ಸಪ್ಪೊರೊ (ಜಪಾನ್): ಟೋಕಿಯೊ ಒಲಿಂಪಿಕ್ಸ್ 50 ಕಿ.ಮೀ. ನಡಿಗೆ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಭಾರತದ ಗುರ್‌ಪ್ರೀತ್ ಸಿಂಗ್, 35 ಕಿ.ಮೀ. ದೂರ ಕ್ರಮಿಸಿದ ವೇಳೆ ಸ್ನಾಯು ಸೆಳೆತಕ್ಕೊಳಗಾಗಿ ಸ್ಪರ್ಧೆಯಿಂದಲೇ ಹಿಂದಕ್ಕೆ ಸರಿದರು.

35 ಕಿ.ಮೀ. ದೂರವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಗುರ್‌ಪ್ರೀತ್, ಸ್ನಾಯು ಸೆಳೆತಕ್ಕೊಳಕ್ಕಾಗಿ ಅರ್ಧದಿಂದಲೇ ಸ್ಪರ್ಧೆಯಿಂದ ಹಿಂಜರಿದರು. ಇದರಿಂದಾಗಿ 50 ಕಿ.ಮೀ. ದೂರವನ್ನು ಪೂರ್ಣಗೊಳಿಸಲು ಸಾಧ್ಯವಾಗದೇ ಆಘಾತ ಎದುರಿಸಿದರು.

37 ವರ್ಷದ ಗುರ್‌ಪ್ರೀತ್, 35 ಕಿ.ಮೀ. ದೂರ ಕ್ರಮಿಸಿದಾಗ 51ನೇ ಸ್ಥಾನದಲ್ಲಿದ್ದರು. ಅಲ್ಲದೆ 2 ತಾಸು 55 ನಿಮಿಷ ಹಾಗೂ 19 ಸೆಕೆಂಡುಗಳ ಕಾಲ ಸ್ಪರ್ಧಾ ಕಣದಲ್ಲಿದ್ದರು.

ಪ್ರತಿಕೂಲ ಹವಾಮಾನ ಪರಿಸ್ಥಿತಿಯು ಗುರ್‌ಪ್ರೀತ್‌ಗೆ ಮುಳುವಾಗಿ ಪರಿಣಮಿಸಿತ್ತು. ಬೆಳಗ್ಗೆ 5.30ರ ಹೊತ್ತಿಗೆ ಸ್ಪರ್ಧೆ ಆರಂಭಿಸಿದಾಗ 25 ಡಿಗ್ರಿ ಇದ್ದಿದ್ದ ತಾಪಮಾನವು 9 ಗಂಟೆಯ ವೇಳೆಗೆ 30 ಡಿಗ್ರಿ ತಲುಪಿತ್ತು.

ಈ ವಿಭಾಗದಲ್ಲಿ ಪೊಲೆಂಡ್‌ನ ಡೇವಿಡ್ ತೊಮಲಗೆ (3:50:08) ಚಿನ್ನ, ಜರ್ಮನಿಯ ಜೊನಾಥನ್ ಹಿಲ್ಬರ್ಟ್‌ಗೆ ಬೆಳ್ಳಿ (3:50:44) ಮತ್ತು ಕೆನಡಾದ ಇವಾನ್ ಡಂಫೆಗೆ (3:50:59) ಕಂಚಿನ ಪದಕ ಒಲಿಯಿತು.

ಈ ಹಿಂದೆ ಫ್ರೆಬ್ರುವರಿ ತಿಂಗಳಲ್ಲಿ ನಡೆದ ರಾಷ್ಟ್ರೀಯ ಓಪನ್ ರೇಸ್ ವಾಕ್ ಚಾಂಪಿಯನ್‌ಶಿಪ್‌ನಲ್ಲಿ 3 ತಾಸು 59 ನಿಮಿಷ 42 ಸೆಕೆಂಡುಗಳಲ್ಲಿ ಗುರಿ ತಲುಪಿದ್ದ ಗುರ್‌ಪ್ರೀತ್ ಚಿನ್ನದ ಪದಕ ಜಯಿಸಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT