ಟೇಬಲ್‌ ಟೆನಿಸ್‌: ರಕ್ಷಿತ್‌, ಯಶಸ್ವಿನಿಗೆ ಪ್ರಶಸ್ತಿ

7

ಟೇಬಲ್‌ ಟೆನಿಸ್‌: ರಕ್ಷಿತ್‌, ಯಶಸ್ವಿನಿಗೆ ಪ್ರಶಸ್ತಿ

Published:
Updated:
ಯಶಸ್ವಿನಿ ಘೋರ್ಪಡೆ

ಬೆಂಗಳೂರು: ಅಮೋಘ ಅಟ ಆಡಿದ ಬಿ. ರಕ್ಷಿತ್‌ ಹಾಗೂ ಯಶಸ್ವಿನಿ ಘೋರ್ಪಡೆ ಅವರು ಇಲ್ಲಿ ನಡೆಯುತ್ತಿರುವ ರಾಜ್ಯ ರ‍್ಯಾಂಕಿಂಗ್‌ ಟೇಬಲ್‌ ಟೆನಿಸ್‌ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ. 

ಮಲ್ಲೇಶ್ವರಂ ಸಂಸ್ಥೆಯಲ್ಲಿ ಮಂಗಳವಾರ ನಡೆದ ಬಾಲಕರ ಯೂತ್‌ ವಿಭಾಗದ ಸಿಂಗಲ್ಸ್‌ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಬಿ. ರಕ್ಷಿತ್‌ ಅವರು ಶ್ರೇಯಸ್‌ ಕುಲಕರ್ಣಿ ಅವರನ್ನು 11–8, 11–8, 5–11, 12–10, 11–8ರಿಂದ ಮಣಿಸಿದರು. 

ಸೆಮಿಫೈನಲ್‌ ಪಂದ್ಯಗಳಲ್ಲಿ ರಕ್ಷಿತ್‌ ಅವರು ನಿಖಿಲ್‌ ನಂದಾ ಅವರನ್ನು 11–7, 10–12, 11–9, 11–6, 11–5ರಿಂದ ಸೋಲಿಸಿದ್ದರು. ಸೆಮಿಫೈನಲ್‌ ಪಂದ್ಯದಲ್ಲಿ ಶ್ರೇಯಸ್‌ ಕುಲಕರ್ಣಿ ಅವರು ಸಮರ್ಥ್‌ ಕುರ್ಡಿಕೇರಿ ಅವರ ಎದುರು 8–11, 11–8, 11–5, 5–11, 10–12, 11–9 ಹಾಗೂ 11–9ರಿಂದ ಜಯ ಸಾಧಿಸಿದ್ದರು. 

ಬಾಲಕಿಯರ ಯೂತ್‌ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಯಶಸ್ವಿನಿ ಘೋರ್ಪಡೆ ಅವರು ಜಿ. ಕರುಣಾ ಅವರನ್ನು 11–7, 11–4, 11–7, 11–7ರಿಂದ ಪರಾಭವಗೊಳಿಸಿದರು. 

ಸೆಮಿಫೈನಲ್‌ ಪಂದ್ಯದಲ್ಲಿ ಯಶಸ್ವಿನಿ ಅವರು ಡಿ. ಕಲ್ಯಾಣಿ ಅವರನ್ನು 3–11, 11–5, 11–4, 5–11, 10–12, 11–7, 11–7ರಿಂದ ಸೋಲಿಸಿದ್ದರು. 

ಬಾಲಕಿಯರ ಜೂನಿಯರ್‌ ವಿಭಾಗದ ಫೈನಲ್‌ ಪಂದ್ಯದಲ್ಲಿಯೂ ಯಶಸ್ವಿನಿ ಅವರು ಗೆದ್ದಿದ್ದಾರೆ. 

ಪಿ. ಅದಿತಿ ಜೋಷಿ ಅವರನ್ನು13–11, 14–12, 6–11, 11–7, 11–9ರಿಂದ ಮಣಿಸಿದ್ದಾರೆ. 

ಬಾಲಕರ ಜೂನಿಯರ್‌ ವಿಭಾಗದ ಫೈನಲ್‌ ಪಂದ್ಯದಲ್ಲಿ ಸಮರ್ಥ್‌ ಕುರ್ಡಿಕೇರಿ ಅವರು ಶ್ರೀಕಾಂತ್‌ ಕಶ್ಯಪ್‌ ಅವರನ್ನು 11–8, 12–10, 11–7, 11–8ರಿಂದ ಸೋಲಿಸಿದರು. 

ಸೆಮಿಫೈನಲ್‌ ಪಂದ್ಯದಲ್ಲಿ ಸಮರ್ಥ್‌ ಅವರು ಕೆ. ಜೆ. ಆಕಾಶ್‌ ಅವರನ್ನು 8–11, 11–9, 11–3, 11–6, 11–8, 11–8ರಿಂದ ಪರಾಭವಗೊಳಿಸಿದರು. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !