ಕುಸ್ತಿಪಟುಗಳ ಹೋರಾಟ ಮೋದಿ, ಸ್ಮೃತಿ ವಿರುದ್ಧ ಅಲ್ಲ ಎಂದ ಬಬಿತಾ: ಹಲವರ ಟೀಕೆ

ನವದೆಹಲಿ: ಮಹಿಳಾ ಕುಸ್ತಿಪಟುಗಳ ಹೋರಾಟ ಕೇವಲ ಭಾರತೀಯ ಕುಸ್ತಿ ಫೆಡರೇಷನ್‌ ಮತ್ತು ‘ಒಬ್ಬ ವ್ಯಕ್ತಿ’ ವಿರುದ್ಧ ಮಾತ್ರ ಎಂದು ಬಿಜೆಪಿ ನಾಯಕಿ, ಕುಸ್ತಿಪಟು ಬಬಿತಾ ಪೋಗಟ್‌ ಶುಕ್ರವಾರ ಹೇಳಿದ್ದಾರೆ.

ಕುಸ್ತಿ ಫೆಡರೇಷನ್‌ನ ಅಧ್ಯಕ್ಷ ಬ್ರಿಜ್‌ ಭೂಷಣ್ ಶರಣ್‌ ಸಿಂಗ್‌ ಅವರು ಮಹಿಳಾ ಕುಸ್ತಿಪಟುಗಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಮತ್ತು ಫೆಡರೇಷನ್‌ನಲ್ಲಿ ಸರ್ವಾಧಿಕಾರಿಯಂತೆ ಆಡಳಿತ ನಡೆಸುತ್ತಿದ್ದಾರೆ ಎಂದು ಆರೋಪಿಸಿರುವ ಖ್ಯಾತನಾಮ ಕುಸ್ತಿಪಟುಗಳು ಬುಧವಾರದಿಂದ ಧರಣಿ ಆರಂಭಿಸಿದ್ಧಾರೆ. 

ಈ ಹೋರಾಟದ ಕುರಿತು ಶುಕ್ರವಾ ಸ್ಪಷ್ಟನೆ ನೀಡಿರುವ ಬಬಿತಾ ಪೋಗಟ್‌, ನಮ್ಮ ಹೋರಾಟ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಅಲ್ಲ, ದೀದಿ ಸ್ಮೃತಿ ಇರಾನಿ ವಿರುದ್ಧ ಅಲ್ಲ ಮತ್ತು ಬಿಜೆಪಿ ವಿರುದ್ಧವೂ ಅಲ್ಲ ಎಂದು ಅವರು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.

ಮುಂದುವರಿದು, ಕಾಂಗ್ರೆಸ್‌ ವಿರುದ್ಧ ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ತಮ್ಮ ಲಾಭಕ್ಕಾಗಿ ಕ್ರೀಡಾಪಟುಗಳ ಆಂದೋಲನದ ವಿಚಾರವಾಗಿ ಕ್ಷುಲ್ಲಕ ರಾಜಕಾರಣ ಮಾಡುವುದನ್ನು ನಿಲ್ಲಿಸಿ ಎಂದು ನಾನು ಕಾಂಗ್ರೆಸ್ ಪಕ್ಷಕ್ಕೆ ಹೇಳಲು ಬಯಸುತ್ತೇನೆ ಎಂದು ಅವರು ತಮ್ಮ ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ. ಅವರ ಈ ಹೇಳಿಕೆಗೆ ಟೀಕೆ ವ್ಯಕ್ತವಾಗಿದೆ.

ಬಬಿತಾ ಟ್ವೀಟ್‌ಗೆ ಟೀಕೆ

ಪೋಗಟ್‌ ಅವರ ಈ ಟ್ವೀಟ್‌ಗೆ ತಿರುಗೇಟು ನೀಡಿರುವ ಬಿಹಾರ ಮತ್ತು ರಾಜಸ್ಥಾನದ ಕಾಂಗ್ರೆಸ್‌ ಅಲ್ಪಸಂಖ್ಯಾತ ಘಟಕದ ಉಸ್ತುವಾರಿ ಮೊಹಮದ್‌ ವಾಸೀಮ್‌, ‘ಗುಲಾಮಗಿರಿ ಬಿಡಿ. ಬಿಜೆಪಿ ಸಂಸದನ ಚೇಷ್ಟೆಯಿಂದ ಇಡೀ ದೇಶದ ಮುಂದೆ ಕುಳಿತ ನಿಮ್ಮ ಸೋದರಿಯನ್ನು ಮೊದಲು ನೋಡಿ’ ಎಂದು ಸಲಹೆ ನೀಡಿದ್ದಾರೆ.

गुलामी छोड़ ,पहले अपनी बहन को देख जो पूरे देश के सामने भाजपा के सांसद की हरकतों की वजह से रो रही थी.

— Mohammad Waseem मोहम्मद वसीम محمد وسيم (@MohdWaseemINC) January 20, 2023

‘ಬಬಿತಾ ಅವರೇ, ಈ ಬೂಟಾಟಿಕೆ ಬಿಟ್ಟು ಆಟಗಾರರ ಪರವಾಗಿ ನೀವು ಯಾಕೆ ನಿಲ್ಲಬಾರದು. ಫೆಡರೇಷನ್‌ನ ಮುಖ್ಯಸ್ಥರನ್ನು ನೇಮಿಸಿದ್ದು ಇದೇ ಬಿಜೆಪಿ. ಅದೇ ಪಕ್ಷದಿಂದ ಅವರು ಸಂಸದ ಕೂಡ ಆಗಿದ್ದಾರೆ. ಈ ಹೋರಾಟಗಾರರಲ್ಲಿ ನಿಮಗೆ ಸಂಬಂಧಪಡದವರು ಇರದೇ ಹೋಗಿದ್ದರೆ ನೀವು ಅವರನ್ನೆಲ್ಲ ನಾಚಿಕೆಯಿಲ್ಲದೆ ‘ತುಕ್ಡೆ ತುಕ್ಡೆ ಗ್ಯಾಂಗ್’ ಅಥವಾ ’ದೇಶದ್ರೋಹಿಗಳು’ ಎಂದು ಕರೆಯುತ್ತಿದ್ದೀರಿ’ ಎಂದು ಸಾಮಾಜಿಕ ಕಾರ್ಯಕರ್ತ ಮಾಣಿಕ್ ಗೊಯೆಲ್‌ ಎಂಬುವವರು ಹೇಳಿದ್ದಾರೆ.

बबीता जी आप ये दोगलापनछोड़कर खिलाड़ियों के साथ क्यों नहीं खड़ते हो ? फ़ेडरेशन का प्रधान भी BJP का ही बनाया हुआ है और उन्हीं का MP है।
अगर इन खिलाड़ियों में आपके रिश्तेदार ना होते तो बड़ी बेशर्मी से आप इन्हें अब तक टुकड़े टुकड़े गैंग या देश द्रोही कह चुके होते।

— Manik Goyal (@ManikGoyal_) January 20, 2023