ಕೋವಿಡ್ ಪ್ರಕರಣಗಳು ಏರು ಗತಿಯಲ್ಲಿ ಸಾಗುತ್ತಿರುವುದರಿಂದ ಹಲವು ದೇಶಗಳು ಭಾರತದ ಮೇಲೆ ಪ್ರಯಾಣ ನಿರ್ಬಂಧ ಹೇರಿವೆ. ಮೇ ಆರರಿಂದ ಆರಂಭವಾಗುವ ಟೂರ್ನಿಗೆ ಭಾರತದ ಕುಸ್ತಿಪಟುಗಳು ಬುಧವಾರ ಆ್ಯಮ್ಸ್ಟರ್ಡ್ಯಾಮ್ ಮೂಲಕ ಸೋಫಿಯಾಗೆ ತೆರಳಬೇಕಿತ್ತು. ಆದರೆ ಡಚ್ ವಿಮಾನಯಾನ ಸಂಸ್ಥೆ ಅವರ ಟಿಕೆಟ್ಗಳನ್ನು ಕೊನೆಯ ಕ್ಷಣದಲ್ಲಿ ರದ್ದುಗೊಳಿಸಿತ್ತು. ಬಳಿಕ ಭಾರತ ಕುಸ್ತಿ ಫೆಡರೇಷನ್ (ಡಬ್ಲ್ಯುಎಫ್ಐ) ಪ್ಯಾರಿಸ್ ಮೂಲಕ ತೆರಳಲು ಟಿಕೆಟ್ಗಳನ್ನು ವ್ಯವಸ್ಥೆ ಮಾಡಿಕೊಟ್ಟಿತು.