ಕಲಬುರಗಿ ಓಪನ್ ಮಹಿಳಾ ಟೆನಿಸ್ ಟೂರ್ನಿ: ಪ್ರೀಕ್ವಾರ್ಟರ್‌ಗೆ ಅಂಕಿತಾ, ಜೀಲ್ ದೇಸಾಯಿ

ಸುಮಾರು 38 ಡಿಗ್ರಿ ಸೆಲ್ಸಿಯಸ್‌ನಷ್ಟಿದ್ದ ತಾಪಮಾನ ಆಟಗಾರ್ತಿಯರನ್ನು ಕಂಗೆಡಿಸಿತು. ರಷ್ಯಾದ ಎವ್‌ಜೆನಿಯಾ ಬರ್ಡಿನಾ ಎದುರು ಸ್ಪರ್ಧಿಸಿದ್ದ ನಾಲ್ಕನೇ ಶ್ರೇಯಾಂಕದ ಭಾರತದ ಆಟಗಾರ್ತಿ ಶ್ರೀವಲ್ಲಿ ರಶ್ಮಿಕಾ ಭಮಿಡಿಪಾಟಿ ಮೊದಲ ಸೆಟ್‌ನಲ್ಲಿ 1–5ರಲ್ಲಿ ಹಿನ್ನಡೆಯಲ್ಲಿದ್ದಾಗ ಬಿಸಿಲಾಘಾತದಿಂದಾಗಿ ಪಂದ್ಯದಿಂದ ಹಿಂದೆ ಸರಿದರು. ಅಂಕಿತಾ ರೈನಾ ಕೂಡ ವೈದ್ಯಕೀಯ ವಿರಾಮ ಪಡೆದರು. ಆಗಾಗ ತಲೆ ಮೇಲೆ ನೀರು ಸುರಿದುಕೊಂಡು ಸುಧಾರಿಸಿಕೊಂಡರು.