ಕೊರೊನಾ ವೈರಾಣು ಹಾವಳಿ ಆರಂಭವಾದಾಗಿನಿಂದ ಪ್ರಮುಖ ಟೆನಿಸ್ ಟೂರ್ನಿಗಳನ್ನು ರದ್ದುಗೊಳಿಸಲಾಗಿತ್ತು. ಆದರೆ ಇತ್ತೀಚೆಗೆ ಪ್ರದರ್ಶನ ಪಂದ್ಯಗಳಿಗೆ ಅವಕಾಶ ನೀಡಲಾಗಿದೆ. ಸರ್ಬಿಯಾ ಮತ್ತು ಕ್ರಿವೇಷ್ಯಾದಲ್ಲಿ ನೊವಾಕ್ ಜೊಕೊವಿಚ್ ನೇತೃತ್ವದಲ್ಲಿ ಆ್ಯಡ್ರಿಯಾ ಟೂರ್ ಕಳೆದ ವಾರ ನಡೆದಿತ್ತು. ಆದರೆ ಮೂವರಿಗೆ ಕೋವಿಡ್–19 ಸೋಂಕು ದೃಢಪಟ್ಟ ಕಾರಣ ಸ್ಪರ್ಧೆಗಳನ್ನು ಅರ್ಧಕ್ಕೇ ಸ್ಥಗಿತಗೊಳಿಸಲಾಗಿತ್ತು. ಲಕ್ಷಣಗಳಿಲ್ಲದೇ ಸೋಂಕು ತಗುಲಿರುವ ಜೊಕೊವಿಚ್ 14 ದಿನ ಐಸೊಲೇಷನ್ನಲ್ಲಿ ಇರುವುದಾಗಿ ತಿಳಿಸಿದ್ದಾರೆ.