7
ವಿಂಬಲ್ಡನ್‌: ಎಂಟರ ಘಟ್ಟಕ್ಕೆ ಪ್ರವೇಶಿಸಿದ ಜೆಲೆನಾ ಓಸ್ತಪೆಂಕೊ, ಸೆರೆನಾ ವಿಲಿಯಮ್ಸ್‌

16 ನಿಮಿಷಗಳ ಸೆಟ್‌; 16ನೇ ಕ್ವಾರ್ಟರ್‌ ಫೈನಲ್‌

Published:
Updated:
ಅಡ್ರಿಯಾನ್ ಮನರಿನೊ ಅವರನ್ನು ಮಣಿಸಿದ ನಂತರ ರೋಜರ್ ಫೆಡರರ್ ಚೆಂಡನ್ನು ಹಿಂದಿರುಗಿಸಲು ಮುಂದಾರ ಕ್ಷಣ ಎಎಫ್‌ಪಿ ಚಿತ್ರ

ಲಂಡನ್‌: ಕೇವಲ 16 ನಿಮಿಷಗಳಲ್ಲಿ ಮೊದಲ ಸೆಟ್‌ ಗೆದ್ದ ರೋಜರ್ ಫೆಡರರ್‌ ಅವರು ವಿಂಬಲ್ಡನ್ ಟೆನಿಸ್ ಟೂರ್ನಿಯಲ್ಲಿ 16ನೇ ಬಾರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿದರು.

ಇಲ್ಲಿನ ಸೆಂಟರ್ ಕೋರ್ಟ್‌ನಲ್ಲಿ ಸೋಮವಾರ ನಡೆದ 16ರ ಸುತ್ತಿನ ಪಂದ್ಯದಲ್ಲಿ ಎದುರಾಳಿ, ಫ್ರಾನ್ಸ್‌ನ ಅಡ್ರಿಯಾನ್ ಮನಾರಿನೊ ಅವರನ್ನು 6–0, 7–5, 6–4ರಿಂದ ಫೆಡರರ್‌ ಮಣಿಸಿದರು. ಎಂಟು ಬಾರಿ ಚಾಂಪಿಯನ್‌ ಆಗಿರುವ ಅವರು ಎಂಟರ ಘಟ್ಟದಲ್ಲಿ ಜೆಲ್‌ ಮೊನ್ಫಿಲ್ಸ್ ಅಥವಾ ಕೆವಿನ್‌ ಆ್ಯಂಡರ್ಸನ್ ಅವರನ್ನು ಎದುರಿಸುವರು.

336 ವರ್ಷದ ಫೆಡರರ್ ಇಲ್ಲಿ ಅಗ್ರ ಶ್ರೇಯಾಂಕದ ಆಟಗಾರ. ಈ ಹಿಂದೆ ಮೊನ್ಫಿಲ್ಸ್‌ ವಿರುದ್ಧ ನಡೆದ ಆರು ಪಂದ್ಯಗಳಲ್ಲಿ ಒಂದು ಬಾರಿಯೂ ಸೋಲದೇ ಇದ್ದ ಅವರು ಸೋಮವಾರದ ಪಂದ್ಯದಲ್ಲಿ ಮತ್ತೊಮ್ಮೆ ಅಮೋಘ ಸಾಮರ್ಥ್ಯ ತೋರಿದರು. ಮಿಂಚಿನ ವೇಗದಲ್ಲಿ ಮೊದಲ ಸೆಟ್‌ ಪೂರ್ಣಗೊಳಿಸಿದ ಅವರಿಗೆ ಎಡಗೈ ಆಟಗಾರ ಮನಾರಿನೊ ಪ್ರತಿರೋಧ ತೋರಿದರು. ಆದರೂ ಜಯ ಸಾಧಿಸಲು ಅವರಿಗೆ ಆಗಲಿಲ್ಲ. ಮೂರನೇ ಸೆಟ್‌ನಲ್ಲಿ ಮತ್ತೆ ಆಧಿಪತ್ಯ ಸ್ಥಾಪಿಸಿದ ಫೆಡರರ್‌ ಪಂದ್ಯ ಗೆದ್ದು ಸಂಭ್ರಮಿಸಿದರು.

ಪುರುಷರ ವಿಭಾಗದ ಮತ್ತೊಂದು ಪಂದ್ಯದಲ್ಲಿ ಮಿಲಾಸ್ ರಾನಿಕ್‌ 6–3, 6–4, 6–7 (5/7), 6–2ರಿಂದ ಮೆಕೆಂಜಿ ಮೆಕ್‌ಡೊನಾಲ್ಡ್‌

ಕ್ವಾರ್ಟರ್‌ಗೆ ಕೆರ್ಬರ್‌; ಪ್ಲಿಸ್ಕೋವಾಗೆ ನಿರಾಸೆ

11ನೇ ಶ್ರೇಯಾಂಕಿ ಜರ್ಮನ್ ಆಟಗಾರ್ತಿ ಏಂಜಲಿಕ್ ಕೆರ್ಬರ್‌ ಅವರು ಸ್ವಿಟ್ಜರ್ಲೆಂಡ್‌ನ ಬೆಲಿಂದಾ ಬೆನ್ಸಿಕ್ ಅವರನ್ನು 6–3, 7–6 (5)ರಿಂದ ಮಣಿಸಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು. ಆದರೆ ಏಳನೇ ಶ್ರೇಯಾಂಕಿತ ಜೆಕ್‌ ಗಣರಾಜ್ಯದ ಆಟಗಾರ್ತಿ ಕರೊಲಿನಾ ಪ್ಲಿಸ್ಕೋವ ನಿರಾಸೆಗೆ ಒಳಗಾದರು. ಅವರನ್ನು ನೆದರ್ಲೆಂಡ್ಸ್‌ನ ಕಿಕಿ ಬೆರ್ಟನ್ಸ್‌ 6–3, 7–6 (1)ರಿಂದ ಮಣಿಸಿದರು.

ಸೆರೆನಾ ವಿಲಿಯಮ್ಸ್‌ 6–2, 6–2ರಲ್ಲಿ ಎವ್ಜೀನಿಯಾ ರಾಡಿನಾ ಎದುರು ಗೆದ್ದು ಕ್ವಾರ್ಟರ್‌ ಫೈನಲ್‌ಗೆ ಲಗ್ಗೆ ಇರಿಸಿದರು.  ಜೆಲೆನಾ ಒಸ್ತಪೆಂಕೊ ಅವರು ಅಲೆಕ್ಸಾಂಡ್ರಾ ಸ್ಯಾನ್ಸೊವಿಚ್‌ ಅವರನ್ನು 7–6 (7/4), 6–0ಯಿಂದ ಮಣಿಸಿದರು.

‘ಎರಡನೇ ಸೆಟ್‌ನಲ್ಲಿ ಗೆಲ್ಲುವ ಪ್ರಯತ್ನ ನಡೆಸುವುದು ಅಡ್ರಿಯಾನ್‌ಗೆ ಅನಿವಾರ್ಯ ಆಗಿತ್ತು. ಅವರ ಪ್ರತಿರೋಧವನ್ನು ನಾನು ನಿರೀಕ್ಷಿಸಿದ್ದೆ. ಆದರೆ ಕೊನೆಯಲ್ಲಿ ಜಯ ನನಗೇ ಒಲಿಯಿತು.’

– ರೋಜರ್ ಫೆಡರರ್‌ಸ್ವಿಟ್ಜರ್ಲೆಂಡ್‌ ಆಟಗಾರ

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !