ಟೆಹರಾನ್‌ (ಎಎಫ್‌ಪಿ): ಇರಾನ್‌ನಲ್ಲಿ ಜಾರಿಯಲ್ಲಿರುವ ಕಠಿಣ ವಸ್ತ್ರಸಂಹಿತೆ ವಿರೋಧಿಸಿ, ತಲೆಗೆ ಸ್ಕಾರ್ಫ್‌ ಧರಿಸದೆ ಸಾರ್ವಜನಿಕ ಸ್ಥಳಕ್ಕೆ ಬಂದ 29 ಮಹಿಳೆ ಯರನ್ನು ಪೊಲೀಸರು ಬಂಧಿಸಿದ್ದಾರೆ.
ಜನದಟ್ಟಣೆಯ ಪ್ರದೇಶದಲ್ಲಿ ಸ್ಕಾರ್ಫ್‌ ಧರಿಸದೇ ಬಂದ ಈ ಮಹಿಳೆಯರ ಅಪರೂಪದ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.
ತಾಯಿ, ಮಗನ ಹತ್ಯೆ
ವಾಷಿಂಗ್ಟನ್‌ (ಪಿಟಿಐ): ಭಾರತ ಮೂಲದ ಮಹಿಳೆ ಮಾಲಾ ಮನ್ವಾನಿ (65) ಹಾಗೂ ಅವರ ಮಗ ರಿಷಿ ಮನ್ವಾನಿ (32) ಅವರನ್ನು ವರ್ಜೀನಿಯಾದಲ್ಲಿನ ಅವರ ಮನೆಯಲ್ಲಿ ಗುಂಡಿಟ್ಟು ಹತ್ಯೆ ಮಾಡಲಾಗಿದೆ.
ಘಟನೆಗೆ ಕಾರಣ ತಿಳಿದುಬಂದಿಲ್ಲ. ವೈಯಕ್ತಿಕ ಕಾರಣ ಇರಬಹುದೆಂದು ಪೊಲೀಸರು ಶಂಕಿಸಿದ್ದಾರೆ.
