ಕ್ಲೀವ್ಲ್ಯಾಂಡ್, ಅಮೆರಿಕ: ಟೂರ್ನಿಯುದ್ದಕ್ಕೂ ಅಮೋಘ ಆಟವಾಡಿದ್ದ ಭಾರತದ ಸಾನಿಯಾ ಮಿರ್ಜಾ– ಅಮೆರಿಕದ ಕ್ರಿಸ್ಟಿನಾ ಮೆಕಾಲೆ ಫೈನಲ್ನಲ್ಲಿ ಎಡವಿದರು. ಇಲ್ಲಿ ನಡೆದ ಡಬ್ಲ್ಯುಟಿಎ 250 ಟೆನಿಸ್ ಟೂರ್ನಿಯ ಮಹಿಳಾ ಡಬಲ್ಸ್ ವಿಭಾಗದಲ್ಲಿ ರನ್ನರ್ ಅಪ್ ಸ್ಥಾನ ಗಳಿಸಿದರು.
ಭಾನುವಾರ ನಡೆದ ಫೈನಲ್ ಪಂದ್ಯದಲ್ಲಿ ಸಾನಿಯಾ–ಕ್ರಿಸ್ಟಿನಾ 5–7, 3–6ರಿಂದ ಜಪಾನ್ನ ಶುಕೊ ಓಯಮಾ– ಈನಾ ಶಿಬಹಾರ ವಿರುದ್ಧ ಸೋತರು. ಒಂದು ತಾಸು 24 ನಿಮಿಷಗಳಲ್ಲಿ ಈ ಪಂದ್ಯ ಮುಗಿಯಿತು.
ಸಾನಿಯಾ ಅವರಿಗೆ ಇದು ಈ ಋತುವಿನ ಮೊದಲ ಫೈನಲ್ ಪಂದ್ಯವಾಗಿತ್ತು. 180 ರ್ಯಾಂಕಿಂಗ್ ಪಾಯಿಂಟ್ಸ್ ಗಳಿಸುವದರೊಂದಿಗೆ ₹ 2 ಲಕ್ಷ 20 ಸಾವಿರ ಬಹುಮಾನವಾಗಿ ಅವರು ಪಡೆದರು.