<p><strong>ಮಯಾಮಿ (ಎಎಫ್ಪಿ):</strong> ವಿಶ್ವದ ಅಗ್ರಮಾನ್ಯ ಆಟಗಾರ ಕಾರ್ಲೋಸ್ ಅಲ್ಕರಾಜ್ ಅವರು ಮಯಾಮಿ ಓಪನ್ ಟೆನಿಸ್ ಟೂರ್ನಿಯ ಮೂರನೇ ಸುತ್ತಿನಲ್ಲಿ ಆಘಾತ ಅನುಭವಿಸಿದರು. ಅಮೆರಿಕದ ಸೆಬಾಸ್ಟಿಯನ್ ಕೊರ್ಡಾ ಮೂರು ಸೆಟ್ಗಳ ಹಣಾಹಣಿಯಲ್ಲಿ ಸ್ಪೇನ್ನ ಸೂಪರ್ ಸ್ಟಾರ್ ಆಟಗಾರನನ್ನು ಸದೆಬಡಿದರು.</p><p>ವಿಶ್ವ ಕ್ರಮಾಂಕದಲ್ಲಿ 36ನೇ ಸ್ಥಾನದಲ್ಲಿರುವ ಸೆಬಾಸ್ಟಿಯನ್ ಪುರುಷರ ಸಿಂಗಲ್ಸ್ 32ರ ಘಟ್ಟದ ಪಂದ್ಯದಲ್ಲಿ 6-3, 5-7, 6-4ರಿಂದ ಅಲ್ಕರಾಜ್ ಅವರನ್ನು ಮಣಿಸಿದರು. ಕಳೆದ ಆವೃತ್ತಿಯಲ್ಲೂ ಅಲ್ಕರಾಜ್ 55ನೇ ಕ್ರಮಾಂಕದ ಡೇವಿಡ್ ಗೋಫಿನ್ (ಬೆಲ್ಜಿಯಂ) ವಿರುದ್ಧ ಸೋತು ಎರಡನೇ ಸುತ್ತಿನಲ್ಲಿ ಹೊರಬಿದ್ದಿದ್ದರು.</p><p>ಆಸ್ಟ್ರೇಲಿಯಾ ಓಪನ್ ಕಿರೀಟ ಗೆಲ್ಲುವ ಮೂಲಕ 2026ರ ಋತುವನ್ನು ಭರ್ಜರಿಯಾಗಿ ಆರಂಭಿಸಿದ್ದ 22 ವರ್ಷ ವಯಸ್ಸಿನ ಅಲ್ಕರಾಜ್ ಅವರು ನಂತರ ದೋಹಾದಲ್ಲಿ ಪ್ರಶಸ್ತಿ ಗೆದ್ದರು. ಬಳಿಕ ಇಂಡಿಯನ್ ವೆಲ್ಸ್ ಸೆಮಿಫೈನಲ್ನಲ್ಲಿ<br>ರಷ್ಯಾದ ಡೇನಿಯಲ್ ಮೆಡ್ವೆಡೇವ್ಗೆ ಮಣಿದಿದ್ದರು. ಇದರಿಂದ 16 ಪಂದ್ಯಗಳ ಗೆಲುವಿನ ಓಟಕ್ಕೆ ತಡೆಬಿದ್ದಿತ್ತು. ಪ್ರಸಕ್ತ ವರ್ಷ ಅಲ್ಕರಾಜ್ ಅವರಿಗೆ ಎರಡನೇ ಸೋಲು ಇದಾಗಿದೆ.</p><p>ಸೆಬಾಸ್ಟಿಯನ್ ಅವರು ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ಸ್ಪ್ಯಾನಿಷ್ ಅರ್ಹತಾ ಆಟಗಾರ ಮಾರ್ಟಿನ್ ಲ್ಯಾಂಡಲೂಸ್ ಅವರನ್ನು ಎದುರಿಸಲಿದ್ದಾರೆ. ಮಾರ್ಟಿನ್ 6-3, 7-6 (7/2)ರಿಂದ 14ನೇ ಶ್ರೇಯಾಂಕದ ಕರೆನ್ ಖಚನೋವ್ (ರಷ್ಯಾ) ಅವರಿಗೆ ಆಘಾತ ನೀಡಿದರು.</p><p><strong>ಸಬಲೆಂಕಾ ಮುನ್ನಡೆ:</strong> ವಿಶ್ವದ ಅಗ್ರಮಾನ್ಯ ಆಟಗಾರ್ತಿ ಅರಿನಾ ಸಬಲೆಂಕಾ ಅವರು ಮಹಿಳೆಯರ ಸಿಂಗಲ್ಸ್ 32ರ ಘಟ್ಟದ ಪಂದ್ಯದಲ್ಲಿ 6-4, 6-2 ಅಂತರದಿಂದ 72ನೇ ಶ್ರೇಯಾಂಕಿತ ಅಮೆರಿಕದ ಕ್ಯಾಟಿ ಮೆಕ್ನಾಲಿ ಅವರನ್ನು ಸೋಲಿಸಿದರು.</p><p>ಬೆಲರೂಸ್ನ ಆಟಗಾರ್ತಿ ಮುಂದಿನ ಸುತ್ತಿನಲ್ಲಿ ಒಲಿಂಪಿಕ್ ಚಿನ್ನದ ಪದಕ ವಿಜೇತೆ ಝೆಂಗ್ ಕಿನ್ವೆನ್ ಅವರನ್ನು ಎದುರಿಸುವರು. 23ನೇ ಶ್ರೇಯಾಂಕದ ಚೀನಾ ಆಟಗಾರ್ತಿ 6-3, 6-4ರಿಂದ 15ನೇ ಶ್ರೇಯಾಂಕದ ಮ್ಯಾಡಿಸನ್ ಕೀಸ್ (ಅಮೆರಿಕ) ಅವರನ್ನು ಮಣಿಸಿದರು.</p><p>ಎರಡನೇ ಶ್ರೇಯಾಂಕದ ಎಲಿನಾ ರಿಬಾಕಿನಾ 6-3, 6-4ರಿಂದ ಉಕ್ರೇನ್ನ ಮಾರ್ತಾ ಕೋಸ್ಟ್ಯುಕ್ ಅವರನ್ನು ಮಣಿಸಿ ಪ್ರಿ ಕ್ವಾರ್ಟರ್ ಫೈನಲ್ ತಲುಪಿದರು. ಕಜಾಕಸ್ತಾನದ ರಿಬಾಕಿನಾ ಅವರು ಮುಂದಿನ ಪಂದ್ಯದಲ್ಲಿ ಕ್ವಾಲಿಫೈಯರ್ ಆಟಗಾರ್ತಿ ತಾಲಿಯಾ ಗಿಬ್ಸನ್ ಅವರನ್ನು ಎದುರಿಸುವರು. ಆಸ್ಟ್ರೇಲಿಯಾದ ತಾಲಿಯಾ 6-2, 6-2ರಿಂದ 18ನೇ ಶ್ರೇಯಾಂಕದ ಇವಾ ಜೊವಿಕ್ (ಅಮೆರಿಕ) ಅವರನ್ನು ಸೋಲಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಯಾಮಿ (ಎಎಫ್ಪಿ):</strong> ವಿಶ್ವದ ಅಗ್ರಮಾನ್ಯ ಆಟಗಾರ ಕಾರ್ಲೋಸ್ ಅಲ್ಕರಾಜ್ ಅವರು ಮಯಾಮಿ ಓಪನ್ ಟೆನಿಸ್ ಟೂರ್ನಿಯ ಮೂರನೇ ಸುತ್ತಿನಲ್ಲಿ ಆಘಾತ ಅನುಭವಿಸಿದರು. ಅಮೆರಿಕದ ಸೆಬಾಸ್ಟಿಯನ್ ಕೊರ್ಡಾ ಮೂರು ಸೆಟ್ಗಳ ಹಣಾಹಣಿಯಲ್ಲಿ ಸ್ಪೇನ್ನ ಸೂಪರ್ ಸ್ಟಾರ್ ಆಟಗಾರನನ್ನು ಸದೆಬಡಿದರು.</p><p>ವಿಶ್ವ ಕ್ರಮಾಂಕದಲ್ಲಿ 36ನೇ ಸ್ಥಾನದಲ್ಲಿರುವ ಸೆಬಾಸ್ಟಿಯನ್ ಪುರುಷರ ಸಿಂಗಲ್ಸ್ 32ರ ಘಟ್ಟದ ಪಂದ್ಯದಲ್ಲಿ 6-3, 5-7, 6-4ರಿಂದ ಅಲ್ಕರಾಜ್ ಅವರನ್ನು ಮಣಿಸಿದರು. ಕಳೆದ ಆವೃತ್ತಿಯಲ್ಲೂ ಅಲ್ಕರಾಜ್ 55ನೇ ಕ್ರಮಾಂಕದ ಡೇವಿಡ್ ಗೋಫಿನ್ (ಬೆಲ್ಜಿಯಂ) ವಿರುದ್ಧ ಸೋತು ಎರಡನೇ ಸುತ್ತಿನಲ್ಲಿ ಹೊರಬಿದ್ದಿದ್ದರು.</p><p>ಆಸ್ಟ್ರೇಲಿಯಾ ಓಪನ್ ಕಿರೀಟ ಗೆಲ್ಲುವ ಮೂಲಕ 2026ರ ಋತುವನ್ನು ಭರ್ಜರಿಯಾಗಿ ಆರಂಭಿಸಿದ್ದ 22 ವರ್ಷ ವಯಸ್ಸಿನ ಅಲ್ಕರಾಜ್ ಅವರು ನಂತರ ದೋಹಾದಲ್ಲಿ ಪ್ರಶಸ್ತಿ ಗೆದ್ದರು. ಬಳಿಕ ಇಂಡಿಯನ್ ವೆಲ್ಸ್ ಸೆಮಿಫೈನಲ್ನಲ್ಲಿ<br>ರಷ್ಯಾದ ಡೇನಿಯಲ್ ಮೆಡ್ವೆಡೇವ್ಗೆ ಮಣಿದಿದ್ದರು. ಇದರಿಂದ 16 ಪಂದ್ಯಗಳ ಗೆಲುವಿನ ಓಟಕ್ಕೆ ತಡೆಬಿದ್ದಿತ್ತು. ಪ್ರಸಕ್ತ ವರ್ಷ ಅಲ್ಕರಾಜ್ ಅವರಿಗೆ ಎರಡನೇ ಸೋಲು ಇದಾಗಿದೆ.</p><p>ಸೆಬಾಸ್ಟಿಯನ್ ಅವರು ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ಸ್ಪ್ಯಾನಿಷ್ ಅರ್ಹತಾ ಆಟಗಾರ ಮಾರ್ಟಿನ್ ಲ್ಯಾಂಡಲೂಸ್ ಅವರನ್ನು ಎದುರಿಸಲಿದ್ದಾರೆ. ಮಾರ್ಟಿನ್ 6-3, 7-6 (7/2)ರಿಂದ 14ನೇ ಶ್ರೇಯಾಂಕದ ಕರೆನ್ ಖಚನೋವ್ (ರಷ್ಯಾ) ಅವರಿಗೆ ಆಘಾತ ನೀಡಿದರು.</p><p><strong>ಸಬಲೆಂಕಾ ಮುನ್ನಡೆ:</strong> ವಿಶ್ವದ ಅಗ್ರಮಾನ್ಯ ಆಟಗಾರ್ತಿ ಅರಿನಾ ಸಬಲೆಂಕಾ ಅವರು ಮಹಿಳೆಯರ ಸಿಂಗಲ್ಸ್ 32ರ ಘಟ್ಟದ ಪಂದ್ಯದಲ್ಲಿ 6-4, 6-2 ಅಂತರದಿಂದ 72ನೇ ಶ್ರೇಯಾಂಕಿತ ಅಮೆರಿಕದ ಕ್ಯಾಟಿ ಮೆಕ್ನಾಲಿ ಅವರನ್ನು ಸೋಲಿಸಿದರು.</p><p>ಬೆಲರೂಸ್ನ ಆಟಗಾರ್ತಿ ಮುಂದಿನ ಸುತ್ತಿನಲ್ಲಿ ಒಲಿಂಪಿಕ್ ಚಿನ್ನದ ಪದಕ ವಿಜೇತೆ ಝೆಂಗ್ ಕಿನ್ವೆನ್ ಅವರನ್ನು ಎದುರಿಸುವರು. 23ನೇ ಶ್ರೇಯಾಂಕದ ಚೀನಾ ಆಟಗಾರ್ತಿ 6-3, 6-4ರಿಂದ 15ನೇ ಶ್ರೇಯಾಂಕದ ಮ್ಯಾಡಿಸನ್ ಕೀಸ್ (ಅಮೆರಿಕ) ಅವರನ್ನು ಮಣಿಸಿದರು.</p><p>ಎರಡನೇ ಶ್ರೇಯಾಂಕದ ಎಲಿನಾ ರಿಬಾಕಿನಾ 6-3, 6-4ರಿಂದ ಉಕ್ರೇನ್ನ ಮಾರ್ತಾ ಕೋಸ್ಟ್ಯುಕ್ ಅವರನ್ನು ಮಣಿಸಿ ಪ್ರಿ ಕ್ವಾರ್ಟರ್ ಫೈನಲ್ ತಲುಪಿದರು. ಕಜಾಕಸ್ತಾನದ ರಿಬಾಕಿನಾ ಅವರು ಮುಂದಿನ ಪಂದ್ಯದಲ್ಲಿ ಕ್ವಾಲಿಫೈಯರ್ ಆಟಗಾರ್ತಿ ತಾಲಿಯಾ ಗಿಬ್ಸನ್ ಅವರನ್ನು ಎದುರಿಸುವರು. ಆಸ್ಟ್ರೇಲಿಯಾದ ತಾಲಿಯಾ 6-2, 6-2ರಿಂದ 18ನೇ ಶ್ರೇಯಾಂಕದ ಇವಾ ಜೊವಿಕ್ (ಅಮೆರಿಕ) ಅವರನ್ನು ಸೋಲಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
