ಬೆಂಗಳೂರು: ‘ಪಾಲಿಕೆಯ ಎಂಟು ವಲಯಗಳಲ್ಲಿ ಎರಡು ತಿಂಗಳಲ್ಲಿ ಒಟ್ಟು ₹ 184 ಕೋಟಿ ಆಸ್ತಿ ತೆರಿಗೆ ಸಂಗ್ರಹಿಸಲಾಗಿದೆ’ ಎಂದು ಮೇಯರ್ ಗಂಗಾಂಬಿಕೆ ತಿಳಿಸಿದರು.
‘ಪ್ರಸಕ್ತ ಸಾಲಿನ ₹ 102. 56 ಕೋಟಿ ಹಾಗೂ ಹಳೆ ಬಾಕಿ ₹ 81.44 ಕೋಟಿ ಆಸ್ತಿ ತೆರಿಗೆ ವಸೂಲಿ ಮಾಡಲಾಗಿದೆ’ ಎಂದು ಮೇಯರ್ ಮಾಹಿತಿ ನೀಡಿದರು.
ಗಂಗಾಂಬಿಕೆ ಅವರು ಬಾಕಿ ತೆರಿಗೆ ವಸೂಲಿಗೆ ಆದ್ಯತೆ ನೀಡುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದರು. ಈ ಕುರಿತುಎಲ್ಲ ವಲಯ ಕಚೇರಿಗಳಲ್ಲಿ ವಿಶೇಷ ಸಭೆ ನಡೆಸಿದ್ದ ಅವರು, ತೆರಿಗೆ ವಸೂಲಿಗೆ ಪ್ರತಿ ಬುಧವಾರ ವಿಶೇಷ ಅಭಿಯಾನ ನಡೆಸುವಂತೆ ಸಲಹೆ ನೀಡಿದ್ದರು.