ಗುರುವಾರ ಸಂಜೆ ವೇಳೆಗೆ ರಾಜ್ಯದ ಸುಮಾರು 400 ಶಾಲೆಗಳು ಆಂತರಿಕ ಅಂಕಗಳನ್ನು ಭರ್ತಿ ಮಾಡುವ ಕಾರ್ಯಕ್ಕೆ ಚಾಲನೆ ನೀಡಿರಲಿಲ್ಲ. ಈ ಪೈಕಿ ಬೆಂಗಳೂರು ದಕ್ಷಿಣ ಜಿಲ್ಲೆಯ 55, ಚಿಕ್ಕೋಡಿ 34, ಮೈಸೂರು 26, ಧಾರವಾಡ 22, ರಾಯಚೂರು ಜಿಲ್ಲೆಯ 21 ಶಾಲೆಗಳು ಸೇರಿವೆ. ಶನಿವಾರ ಬೆಳಿಗ್ಗೆ 11 ಗಂಟೆಯೊಳಗೆ ಎಲ್ಲ ಶಾಲೆಗಳೂ ಪ್ರಕ್ರಿಯೆ ಪೂರ್ಣಗೊಳಿಸಬೇಕು. ಇಲ್ಲವಾದರೆ ಆಂತರಿಕ ಅಂಕ ಭರ್ತಿ ಮಾಡಲು ಇರುವ ಆನ್‌ಲೈನ್‌ ಡೇಟಾ ಎಂಟ್ರಿ ವಿಭಾಗ ಫ್ರೀಜ್‌ ಮಾಡಲಾಗುವುದು. ಶಾಲೆಗಳು ಫಲಿತಾಂಶ ಪಡೆಯದೇ ಇದ್ದರೆ ಮಂಡಳಿ ಹೊಣೆಯಲ್ಲ ಎಂದೂ ಎಚ್ಚರಿಕೆ ನೀಡಿದ್ದಾರೆ.
