ಹೆಣ್ಣು ಮಕ್ಕಳು ಧೈರ್ಯವಾಗಿ ಮಾತನಾಡಬೇಕು: ಕಮಲಾ

ಗುರುವಾರ , ಮೇ 23, 2019
28 °C

ಫಲಿತಾಂಶ (ಮುನ್ನಡೆ+ಗೆಲುವು) 0/542LIVE

ಹೆಣ್ಣು ಮಕ್ಕಳು ಧೈರ್ಯವಾಗಿ ಮಾತನಾಡಬೇಕು: ಕಮಲಾ

Published:
Updated:
Prajavani

ಬೆಂಗಳೂರು: ‘ಸಮಕಾಲಿನ ವಿದ್ಯಮಾನಗಳ ಕುರಿತು ಹೆಣ್ಣು ಮಕ್ಕಳು ಧೈರ್ಯವಾಗಿ ಮಾತನಾಡುವ ಗುಣ ಬೆಳೆಸಿಕೊಳ್ಳಬೇಕು’ ಎಂದು ಸಾಹಿತಿ ಕಮಲಾ ಹಂಪನಾ ಹೇಳಿದರು.

ಅ.ನ.ಕೃ. ಕನ್ನಡ ಸಂಘ ಆಯೋಜಿಸಿದ್ದ ‘ಅ.ನ.ಕೃಷ್ಣರಾಯರ ಜನ್ಮದಿನಾಚರಣೆ, ಅ.ನ.ಕೃ. ಪ್ರಶಸ್ತಿ ಪ್ರದಾನ ಹಾಗೂ ‘ಲಹರಿ’ ಕೃತಿ ಬಿಡುಗಡೆ’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

‘ಹೆಣ್ಣು ಮಕ್ಕಳಿಗೆ ಭಯ ಕಾಡುತ್ತಿದೆ. ಮಾತನಾಡಿದರೆ ಸುರಕ್ಷಿತವಾಗಿ ಮನೆಗೆ ತಲುಪುವುದಿಲ್ಲ ಎಂಬ ಭೀತಿ ಮನೆಮಾಡಿದೆ. ಇದರಿಂದ ಹೊರಬರಬೇಕು’ ಎಂದು ಅವರು ಹೇಳಿದರು.

‘ನನ್ನ ಮೊದಲ ಕಥಾಸಂಕಲನ ‘ನೆಕ್ಕಿತು ಹಾಲಿನ ಬಟ್ಟಲು’ ಅನ್ನು ಅ.ನ.ಕೃ. ಅವರೇ ಬಿಡುಗಡೆ ಮಾಡಿ, ಬರವಣಿಗೆಗೆ ಪ್ರೋತ್ಸಾಹಿಸಿದ್ದರು. ಮಕ್ಕಳು ಓದುವ ನಾಲ್ಕು ಪುಟ್ಟ ಪುಸ್ತಕಗಳನ್ನು ನನ್ನಿಂದ ಬರೆಸಿದ್ದರು’ ಎಂದು ನೆನಪಿಸಿಕೊಂಡರು. 

ಕೃತಿ ಕುರಿತು ಲೇಖಕಿ ಎಚ್‌.ಎಲ್‌.ಪುಷ್ಪಾ, ‘ನವ ನಾಗರಿಕತೆಯ ನಾಜೂಕು ಸಮಸ್ಯೆಗಳು, ಧರ್ಮ–ರಾಜಕೀಯದ ಜಿಜ್ಞಾಸೆ, ನಾಡು–ನುಡಿಯ ಕುರಿತ ಬರಹಗಳು ಪುಸ್ತಕದಲ್ಲಿವೆ. ವಿಚಾರಪೂರಿತ ಈ ಪುಸ್ತಕದಲ್ಲಿ ಪೂರ್ವ ನಿರ್ಧಾರಿತ ಅಭಿಪ್ರಾಯಗಳನ್ನು ತಿಳಿಸಿಲ್ಲ. ಓದಿ ತೀರ್ಮಾನಿಸುವ ಆಯ್ಕೆಯನ್ನು ಓದುಗರಿಗೆ ನೀಡಲಾಗಿದೆ’ ಎಂದರು.

ಪ್ರಶಸ್ತಿ ಸ್ವೀಕರಿಸಿದ ಕನ್ನಡಪರ ಹೋರಾಟಗಾರ ಬಿ.ಕೃಷ್ಣಪ್ಪ, ‘1970ರ ದಶಕದಲ್ಲಿ ನಗರದ ಕಂಟೋನ್ಮೆಂಟ್‌ ಪ್ರದೇಶಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ತಮಿಳರು ಬಂದು ನೆಲೆಸಲು ಆರಂಭಿಸಿದರು. ಆಗ ಆಡಳಿತ ವರ್ಗವೂ ಕನ್ನಡವನ್ನು ಕಡೆಗಣನೆ ಮಾಡಲು ಆರಂಭಿಸಿತ್ತು. ಹೀಗಾಗಿ, ನಾನು ಸಹ ಅ.ನ.ಕೃ. ಅವರೊಂದಿಗೆ ಹೋರಾಟಕ್ಕೆ ಇಳಿದೆ’ ಎಂದು ಸ್ಮರಿಸಿಕೊಂಡರು.

ಪ್ರಶಸ್ತಿಯು ₹ 5,000 ಒಳಗೊಂಡಿದೆ.

ಪುಸ್ತಕದ ಕುರಿತು
ಹೆಸರು: ಲಹರಿ
ಪ್ರಕಾಶನ: ನಿರಂತರ ಸಾಯಿ ಕಮ್ಯೂನಿಕೇಷನ್ಸ್‌
ಪುಟಗಳು: 324
ಬೆಲೆ: ₹ 250

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !