ಎಟಿಎಂ ಕಾರ್ಡ್ ಮನೆಯಲ್ಲಿದ್ದರೂ, ₹ 1.40 ಲಕ್ಷ ಡ್ರಾ!

ಭಾನುವಾರ, ಜೂನ್ 16, 2019
22 °C

ಎಟಿಎಂ ಕಾರ್ಡ್ ಮನೆಯಲ್ಲಿದ್ದರೂ, ₹ 1.40 ಲಕ್ಷ ಡ್ರಾ!

Published:
Updated:

ಬೆಂಗಳೂರು: ಮಹಿಳೆಯೊಬ್ಬರ ಎಟಿಎಂ ಕಾರ್ಡ್ ಮನೆಯಲ್ಲೇ ಇದ್ದರೂ, ಅವರ ಬ್ಯಾಂಕ್ ಖಾತೆಯಿಂದ ಹಂತ ಹಂತವಾಗಿ ₹ 1.40 ಲಕ್ಷ ಡ್ರಾ ಆಗಿದೆ!

ಬನಶಂಕರಿ ಸಮೀಪದ ಭುವನೇಶ್ವರಿ ನಗರ ನಿವಾಸಿ ಇ.ಸಿ.ಲಕ್ಕಮ್ಮ ಹಣ ಕಳೆದುಕೊಂಡವರು. ಈ ಸಂಬಂಧ ಅವರ ಮಗ ಅರುಣ್ ಕುಮಾರ್ ಸೋಮವಾರ ಚನ್ನಮ್ಮನಕೆರೆ ಅಚ್ಚುಕಟ್ಟು ಠಾಣೆಗೆ ದೂರು ಕೊಟ್ಟಿದ್ದಾರೆ. ದುಷ್ಕರ್ಮಿಗಳು ‘ಎಟಿಎಂ ಸ್ಕಿಮ್ಮಿಂಗ್’ ಮಾಡಿ, ಹಣ ದೋಚಿರಬಹುದು ಎಂಬ ಶಂಕೆ ವ್ಯಕ್ತಪಡಿಸಿರುವ ಪೊಲೀಸರು, ತನಿಖೆಗೆ ಸೈಬರ್ ಕ್ರೈಂ ವಿಭಾಗದ ನೆರವು ಕೋರಿದ್ದಾರೆ.

‘ನನ್ನ ತಾಯಿ ಕೆನರಾ ಬ್ಯಾಂಕ್‌ನ ಬನಶಂಕರಿ ಕಾಮಾಕ್ಯ ಶಾಖೆಯಲ್ಲಿ ಖಾತೆ ಹೊಂದಿದ್ದಾರೆ. ವಾರದ ಹಿಂದೆ ಅವರು ಪ್ರವಾಸ ಹೋಗಿದ್ದು, ಎಟಿಎಂ ಕಾರ್ಡ್ ಮನೆಯಲ್ಲೇ ಇತ್ತು. ಹಣದ ಅಗತ್ಯ ಇದ್ದುದರಿಂದ ಮೇ 15ರ ರಾತ್ರಿ 7.45ರ ಸುಮಾರಿಗೆ ಕೆಇಬಿ ರಸ್ತೆಯಲ್ಲಿನ ಎಟಿಎಂ ಘಟಕದಲ್ಲಿ ₹ 23,500 ಡ್ರಾ ಮಾಡಿಕೊಂಡಿದ್ದೆ. ಆ ನಂತರ ಎಲ್ಲೂ ಎಟಿಎಂ ಕಾರ್ಡ್ ಬಳಸಿಲ್ಲ’ ಎಂದು ಅರುಣ್ ದೂರಿನಲ್ಲಿ ತಿಳಿಸಿದ್ದಾರೆ.

‘ಆದರೆ, ಮೇ 17ರಂದು ₹ 20 ಸಾವಿರ ಡ್ರಾ ಆಗಿರುವುದಾಗಿ ತಾಯಿಯ ಮೊಬೈಲ್‌ಗೆ ಸಂದೇಶ ಹೋಗಿತ್ತು. ಪ್ರವಾಸದಲ್ಲಿದ್ದ ಅವರು ಕೂಡಲೇ ನನಗೆ ಕರೆ ಮಾಡಿದ್ದರು. ಬ್ಯಾಂಕ್‌ಗೆ ಹೋಗಿ ವಿಚಾರಿಸುವುದಾಗಿ ಹೇಳಿದ್ದೆ. ಆ ನಂತರ ಕೂಡ ₹ 40 ಸಾವಿರದಂತೆ ಸತತವಾಗಿ ಮೂರು ದಿನ ಹಣ ಡ್ರಾ ಆಗಿದೆ. ಹೀಗಾಗಿ, ನಮಗೆ ಮೋಸ ಮಾಡಿರುವ ವ್ಯಕ್ತಿಯನ್ನು ‍ಪತ್ತೆ ಹಚ್ಚಿ ಹಣ ವಾಪಸ್ ಕೊಡಿಸಬೇಕು’ ಎಂದು ಅರುಣ್ ದೂರಿನಲ್ಲಿ ಮನವಿ ಮಾಡಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 3

    Happy
  • 2

    Amused
  • 1

    Sad
  • 0

    Frustrated
  • 2

    Angry

Comments:

0 comments

Write the first review for this !