ಹೆದ್ದಾರಿ ಬದಿ ಪೊದೆಯಲ್ಲಿ ಪತ್ತೆ; ಅನಾಥ ಗಂಡು ಶಿಶು ರಕ್ಷಣೆ

7

ಹೆದ್ದಾರಿ ಬದಿ ಪೊದೆಯಲ್ಲಿ ಪತ್ತೆ; ಅನಾಥ ಗಂಡು ಶಿಶು ರಕ್ಷಣೆ

Published:
Updated:
Deccan Herald

ತುಮಕೂರು: ರಾಷ್ಟ್ರೀಯ ಹೆದ್ದಾರಿ –4ರ ಪಕ್ಕ ಪೊದೆಯಲ್ಲಿ ಇರುವೆ ಮುತ್ತಿದ್ದ ಅನಾಥ ಗಂಡು ಶಿಶುವನ್ನು ಗುರುವಾರ ರಕ್ಷಣೆ ಮಾಡಲಾಗಿದೆ.

ಶಿರಾ ತಾಲ್ಲೂಕು ಮದಲೂರು ಜಿಲ್ಲಾ ಪಂಚಾಯಿತಿ ಸದಸ್ಯೆ ಲಕ್ಷ್ಮಿದೇವಮ್ಮ ನರಸಿಂಹಮೂರ್ತಿ ಅವರು ತುಮಕೂರಿನಿಂದ ಶಿರಾ ಕಡೆಗೆ ಪ್ರಯಾಣಿಸುತ್ತಿದ್ದಾಗ ರಾಷ್ಟ್ರೀಯ ಹೆದ್ದಾರಿ ಬದಿ ಪೊದೆಯಲ್ಲಿ ಈ ಶಿಶು ಕಂಡಿದೆ. ತಕ್ಷಣೆ ಶಿರಾ ಸಾರ್ವಜನಿಕ ಆಸ್ಪತ್ರೆಗೆ ಕರೆ ತಂದಾಗ ಅಲ್ಲಿನ ವೈದ್ಯರು ಮಗುವಿಗೆ ಚಿಕಿತ್ಸೆ ನೀಡಿದ್ದಾರೆ.

ಬಳಿಕ ಮಕ್ಕಳ ಸಹಾಯವಾಣಿ '1098' ಪ್ರತಿನಿಧಿಗಳು ಮಗುವನ್ನು ವಶಕ್ಕೆ ಪಡೆದು ಜಿಲ್ಲಾ ಆಸ್ಪತ್ರೆಗೆ ಕರೆ ತಂದು ಆರೈಕೆಗೆ ದಾಖಲಿಸಿದ್ದಾರೆ. ಮಗು 3 ಕೆ.ಜಿ ಇದ್ದು ತಂದೆ ತಾಯಿ ಪತ್ತೆಯಾಗಿಲ್ಲ. ಮಗುವನ್ನು ಮಕ್ಕಳ ಕಲ್ಯಾಣ ಸಮಿತಿಗೆ ಒಪ್ಪಿಸಲಾಗಿದೆ.

ಅಭಿವೃದ್ಧಿ ಸಾಮಾಜಿಕ ಸೇವಾ ಸಂಸ್ಥೆಯ ಸಂಯೋಜಕರಾದ ಜೆ.ಆರ್.ನಾಗರಾಜು, ಎಚ್. ರಾಜಪ್ಪ, ವೈದ್ಯಾಧಿಕಾರಿ ಡಾ.ರಾಮು, ಮಕ್ಕಳ ರಕ್ಷಣಾ ಘಟಕದ ಪ್ರತಿನಿಧಿಗಳು, ಶಿರಾದ ಮಹಿಳಾ ಸಾಂತ್ವನ ಕೇಂದ್ರದ ಪುಟ್ಟರಾಜು, ಪೊಲೀಸ್ ಸಿಬ್ಬಂದಿ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !