ಆವರಿಸಿದ ಮೌನ, ಒದ್ದೆಯಾದ ಕಣ್ಣಾಲೆ

ಉದ್ಯಾನದ ಹುತಾತ್ಮ ಯೋಧನ ಪ್ರತಿಮೆ ಮುಂದೆ ಜಮಾಯಿಸಿದ ಜನ ಮೋಂಬತ್ತಿ ಬೆಳಗುವ ಮೂಲಕ ಸೈನಿಕರಿಗೆ ಗೌರವ ಸಲ್ಲಿಸಿದರು. ನೂರಾರು ಸಂಖ್ಯೆಯ ಮಕ್ಕಳು, ಮಹಿಳೆಯರು ಮತ್ತು ಹಿರಿಯ ನಾಗರಿಕರು ಭಾಗವಹಿಸಿದ್ದರು. ಗೌರವ ಸಲ್ಲಿಸುವಸಂದರ್ಭ
ದಲ್ಲಿ ಒಂದು ಕ್ಷಣ ಮೌನ ಆವರಿಸಿ, ಅಲ್ಲಿ ಜಮಾಯಿಸಿದ್ದವರಕಣ್ಣಾಲೆಗಳು ಒದ್ದೆಯಾದವು.

ಸೇನೆಯೊಂದಿಗೆ ನಾವಿದ್ದೇವೆ ಎನ್ನುವ ಫಲಕಗಳನ್ನು ಪ್ರದರ್ಶಿಸುವ ಮೂಲಕಸೈನಿಕರ ಕುಟುಂಬಗಳಿಗೆ ಆತ್ಮಸ್ಥೈರ್ಯ ತುಂಬಿದರು. ಭಾರತ್ ಮಾತಾಕಿ ಜೈ, ವಂದೇ ಮಾತರಂ ಘೋಷಣೆಗಳು ಮೊಳಗಿದವು.

ಹಿರಿಯ ಸ್ವಾತಂತ್ರ್ಯ ಹೋರಾಟಗಾರ ಎಚ್‌.ಎಸ್‌.ದೊರೆಸ್ವಾಮಿ,‘ಸೈನಿಕರ ಮೇಲಿನ ದಾಳಿಪೈಶಾಚಿಕವಾದದ್ದು. ಸಣ್ಣತನದ ಕೆಲಸ. ಪ್ರತಿಯೊಬ್ಬರು ಇದನ್ನುಖಂಡಿಸಬೇಕು. ಹುತಾತ್ಮ ಸೈನಿಕರ ಕುಟುಂಬಗಳಿಗೆ ಆತ್ಮಸ್ಥೈರ್ಯ ತುಂಬಬೇಕು. ಗುಪ್ತಚರ ಇಲಾಖೆಯವರು ಇಂತಹ ಚಟುವಟಿಕೆಗಳ ಮೇಲೆಕಣ್ಣಿಡಬೇಕು’ ಎಂದು ತಿಳಿಸಿದರು.

‘ಶಾಂತಿ ಕಾಪಾಡುವುದಕ್ಕೆ ಸೇನೆಗೆಸಂಪೂರ್ಣ ಅಧಿಕಾರ ಕೊಡುವ ಮೂಲಕ ಸರ್ಕಾರ ಒಳ್ಳೆ ಕೆಲಸ ಮಾಡಿದೆ. ಆದರೆ ಅದು ಬಹಳ ದಿನ ಮುಂದುವರೆಯಬಾರದು. ಶಾಂತಿ ನೆಲೆಸುವವರಿಗೆ ಮಾತ್ರ ಇರಬೇಕು’ ಎಂದು ಅವರು ಹೇಳಿದರು