ಆಹಾರ ಮೇಳಕ್ಕೆ ಚಾಲನೆ

7

ಆಹಾರ ಮೇಳಕ್ಕೆ ಚಾಲನೆ

Published:
Updated:
Deccan Herald

ಬೆಂಗಳೂರು: ಕೊಂಕಣ್‌ ಗುಲಕನ್, ತರಹೇವಾರಿ ದೋಸೆ, ಖಡಕ್ ರೊಟ್ಟಿ, ಶೇಂಗಾ ಚಟ್ನಿ, ಎಣ್ಣೆಗಾಯಿ ಪಲ್ಯ. ಹೀಗೆ ಒಂದೇ ಎರಡೇ. ಬಾಯಲ್ಲಿ ನೀರೂರಿಸುವ ನೂರಾರು ಆಹಾರ ಪದಾರ್ಥಗಳು..., ಮನರಂಜನೆಗೆ ಸಂಗೀತ, ಮಕ್ಕಳನ್ನು ಖುಷಿಪಡಿಸಲು ಆಟಗಳು.

– ಇವೆಲ್ಲಾ ಕಂಡುಬಂದಿದ್ದು, ಬಾಬಾ ದ ಧಾಬಾ ಸಂಸ್ಥೆಯ ಆಶ್ರಯದಲ್ಲಿ ಯಲಹಂಕ ಉಪನಗರದಲ್ಲಿರುವ ನಿಸರ್ಗ ಆಟದ ಮೈದಾನದಲ್ಲಿ ಆಯೋಜಿಸಿರುವ ಮೂರು ದಿನಗಳ ಸ್ವದೇಶಿ ಶಾಪಿಂಗ್ ಮತ್ತು ಆಹಾರ ಮೇಳದಲ್ಲಿ.

ಮೇಳಕ್ಕೆ ಶಾಸಕ ಎಸ್.ಆರ್.ವಿಶ್ವನಾಥ್ ಚಾಲನೆ ನೀಡಿದರು. ಬೆಂಗಳೂರು ಮಾತ್ರವಲ್ಲದೆ ರಾಜ್ಯದ ವಿವಿಧ ಭಾಗಗಳಿಂದ ಆಗಮಿಸಿರುವ ವರ್ತಕರು, ಬೆಂಗಳೂರಿಗರ ಬಾಯಿ ಚಪಲವನ್ನು ತಮ್ಮ ಕೈರುಚಿಗಳ ಮೂಲಕ ತೀರಿಸಲು ಸಜ್ಜಾಗಿದ್ದಾರೆ.

ಸಿರಿಧಾನ್ಯಗಳ ಪ್ರದರ್ಶನ, ಸಾಂಪ್ರದಾಯಿಕ ಉಡುಗೆಯ ‍ಫ್ಯಾಷನ್ ಶೋ, ದಸರಾ ಗೊಂಬೆಗಳ ಪ್ರದರ್ಶನ, ಮ್ಯಾಜಿಕ್ ಶೋ ಹಾಗೂ ಸಂದೇಶ ಪೂಜಾರಿಯವರಿಂದ ಕಣ್ಣುಕಟ್ಟಿಕೊಂಡು ಅಡುಗೆ ಮಾಡುವ ಪ್ರತಿಭಾ ಪ್ರದರ್ಶನ ನಡೆಯಲಿದೆ.

100ಕ್ಕೂ ಹೆಚ್ಚು ಆಹಾರ ಮಳಿಗೆಗಳು, 500ಕ್ಕೂ ಹೆಚ್ಚು ತಿಂಡಿ-ತಿನಿಸುಗಳು, ಗೃಹೋಪಯೋಗಿ ಪೀಠೋಪಕರಣಗಳು, ಆಲಂಕಾರಿಕ ವಸ್ತ್ರಾಭರಣಗಳು ಹಾಗೂ ಲೈವ್ ಕುಕರಿ ಶೋ ಇರಲಿದೆ ಎಂದು ಮೇಳದ ಸಂಘಟಕರು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !