ಹಿನ್ನೆಲೆ: 2016–17ರಲ್ಲಿ ಕೇವಲ 7 ಸಭೆಗಳನ್ನ ನಡೆಸಿರುವುದು, ಪಂಚಾಯಿತಿ ಸಿಬ್ಬಂದಿ ವೇತನ ಮತ್ತು ಪಂಚಾಯಿತಿ ಚುನಾಯಿತ ಪ್ರತಿನಿಧಿಗಳ ಗೌರವ ಧನ ಪಾವತಿಸುವ ಉದ್ದೇಶಕ್ಕೆ ಮಾತ್ರ ಬಳಸಬೇಕಾದ ಗ್ರಾಮ ಪಂಚಾಯಿತಿ ನಿಧಿ–1ರಲ್ಲಿನ ಅನುದಾನವನ್ನು ನಿಯಮಬಾಹಿರವಾಗಿ ಬೀದಿ ದೀಪ ಸಾಮಗ್ರಿ ಖರೀದಿಗೆ ಬಳಕೆ ಮಾಡಿದ್ದಾರೆ. ತುಮಕೂರಿನ ಆಶ್ರಯ ಎಂಟರ್ಪ್ರೈಸಸ್ ನಿಂದ ₹ 3,25 ಲಕ್ಷ ಮೊತ್ತದ ವಸ್ತುಗಳನ್ನು ಖರೀದಿಸಿದ್ದಾರೆ. ಈ ಖರೀದಿ ಪ್ರಕ್ರಿಯೆಯಲ್ಲಿ ಪ್ರಕಟಣೆ, ವೋಚರ್ಸ್, ತುಲನಾತ್ಮಕ ದರಪಟ್ಟಿಯೂ ಇಲ್ಲ. ಹೀಗೆ ಟೆಂಡರ್ ಇಲ್ಲದೇ ಖರೀದಿ ಮಾಡಿ ಕೆ.ಟಿ.ಪಿ.ಪಿ ನಿಯಮ ಉಲ್ಲಂಘಿಸಿದ್ದಾರೆ ಎಂದು ಆದೇಶದಲ್ಲಿ ಉಲ್ಲೇಖಿಸಲಾಗಿದೆ.