ಸರ್ಕಾರಿ ಶಾಲೆಗಳಿಗೂ ವೆಬ್‌ಸೈಟ್‌

ಮಂಗಳವಾರ, ಜೂನ್ 18, 2019
25 °C
ಒಂದೂವರೆ ತಿಂಗಳಲ್ಲಿ 49 ಸಾವಿರ ಸರ್ಕಾರಿ ಶಾಲೆಗಳ ಮಾಹಿತಿ ಬೆರಳ ತುದಿಯಲ್ಲಿ

ಸರ್ಕಾರಿ ಶಾಲೆಗಳಿಗೂ ವೆಬ್‌ಸೈಟ್‌

Published:
Updated:

ಬೆಂಗಳೂರು: ಸರ್ಕಾರಿ ಶಾಲೆಗಳ ಸಹಿತ ರಾಜ್ಯದ ಎಲ್ಲ ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳ ಮಾಹಿತಿ ಬೆರಳ ತುದಿಯಲ್ಲೇ ಸಿಗುವ ನಿಟ್ಟಿನಲ್ಲಿ ವೆಬ್‌ಸೈಟ್‌ ಒಂದನ್ನು ಶಿಕ್ಷಣ ಇಲಾಖೆ ಅಭಿವೃದ್ಧಿ‍ಪಡಿಸುತ್ತಿದ್ದು, ಒಂದೂವರೆ ತಿಂಗಳಲ್ಲಿ ಇದು ಕಾರ್ಯರೂಪಕ್ಕೆ ಬರುವ ನಿರೀಕ್ಷೆ ಇದೆ.

‘ನಿಮ್ಮ ಶಾಲೆಯ ಬಗ್ಗೆ ತಿಳಿಯಿರಿ’ (know your school) ಎಂಬ ಅಭಿಯಾನದ ಅಡಿಯಲ್ಲಿ ರಾಜ್ಯದ ಪ್ರತಿ ಶಾಲೆಯ ವಿವರವನ್ನು ಸಂಗ್ರಹಿಸುವ ಕಾರ್ಯ ಕೆಲವು ವರ್ಷಗಳ ಹಿಂದೆ ಆರಂಭವಾಗಿತ್ತು. ಎರಡು ವರ್ಷಗಳಿಂದೀಚೆಗೆ ಆನ್‌ಲೈನ್‌ನಲ್ಲಿ ಮಾಹಿತಿ ತರಿಸಿಕೊಂಡು ಅಪ್‌ಲೋಡ್‌ ಮಾಡಲಾಗುತ್ತಿತ್ತು. ಅದು ಬಹುತೇಕ ಕೊನೆಯ ಹಂತಕ್ಕೆ ಬಂದಿದೆ.

‘ಪ್ರತಿ ಶಾಲೆಯಿಂದ ತಲಾ ಎರಡು ಫೋಟೊಗಳನ್ನು ತರಿಸಿಕೊಂಡಿದ್ದೇವೆ. ವೆಬ್‌ಸೈಟ್‌ನಲ್ಲಿ ಅದನ್ನು ಅಪ್‌ಲೋಡ್‌ ಮಾಡಿದ್ದೇವೆ. ಶಾಲೆಯ ಬಗ್ಗೆ ಮಾಹಿತಿ ಪಡೆಯಲು ಲಾಗಿನ್‌ ಆದಾಗ ಫೋಟೊ ಸಹಿತ ಶಾಲೆಯಲ್ಲಿರುವ ಮಕ್ಕಳು, ಆಟದ ಮೈದಾನ, ಇತರ ಸೌಲಭ್ಯಗಳ ಮಾಹಿತಿ ದೊರೆಯುತ್ತದೆ. ವೆಬ್‌ಸೈಟ್‌ನಲ್ಲಿ ಖಾಸಗಿ ಶಾಲೆಗಳ ಮಾಹಿತಿಯೂ ಇರುತ್ತದೆ. ಆದರೆ ‍ಪೋಟೊ ಇರುವುದಿಲ್ಲ ಅಷ್ಟೇ’ ಎಂದು ಈ ವೆಬ್‌ಸೈಟ್‌ ಸಿದ್ಧತಾ ಕಾರ್ಯದಲ್ಲಿ ತೊಡಗಿರುವ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಶಾಲೆಗಳ ರಿಪೋರ್ಟ್‌ ಕಾರ್ಡ್‌ ಸಹ ಮಾಹಿತಿಯಲ್ಲಿ ಅಡಕವಾಗಿರುತ್ತದೆ. ಇದರಿಂದ ಅನುದಾನ ದುರ್ಬಳಕೆ ತಡೆಯಬಹುದು. ಖಾಸಗಿ ಶಾಲೆಗಳ ರಿಪೋರ್ಟ್‌ ಕಾರ್ಡ್‌ ಸಹ ಸಿಗಲಿದೆ’ ಎಂದು ಅವರು ಹೇಳಿದರು.

ಎಲ್ಲಿ ಲಭ್ಯ: www.schooleducation.kar.nic.in ವೆಬ್‌ಸೈಟ್‌ನ ‘ಶಿಕ್ಷಣ ಕಿರಣ’ ಸಾಫ್ಟ್‌ವೇರ್‌ ಲಿಂಕ್‌ನಲ್ಲಿ  ಎಲ್ಲ ಶಾಲೆಗಳ ಮಾಹಿತಿ ಲಭ್ಯವಾಗಲಿದೆ.

**

48,752 - ಒಟ್ಟು ಸರ್ಕಾರಿ ಶಾಲೆಗಳು

7,309 - ಖಾಸಗಿ ಅನುದಾನಿತ ಶಾಲೆಗಳು

20,312 - ಖಾಸಗಿ ಅನುದಾನರಹಿತ ಶಾಲೆಗಳು

1,532 - ಇತರ ಶಾಲೆಗಳು

77,905 - ಒಟ್ಟು ಶಾಲೆಗಳು

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !