ನವದೆಹಲಿ : ಹೋಂಡಾ ಕಾರ್ಸ್ ಇಂಡಿಯಾ ಕಂಪನಿಯು ದೇಶದ ಮಾರುಕಟ್ಟೆಗೆ ಹೊಸ ಅಮೇಜ್‌ ಬಿಡುಗಡೆ ಮಾಡಿದೆ.
1.2 ಲೀಟರ್‌ ಪೆಟ್ರೋಲ್‌ ಎಂಜಿನ್‌ ಮಾದರಿಯ ಎಕ್ಸ್‌ಷೋರೂಂ ಬೆಲೆಯು ₹ 5.59 ಲಕ್ಷದಿಂದ ₹ 7.99 ಲಕ್ಷ ಹಾಗೂ 1.5 ಲೀಟರ್‌ ಡೀಸೆಲ್ ಎಂಜಿನ್‌ ಮಾದರಿಯ ಬೆಲೆ ₹ 6.69 ಲಕ್ಷದಿಂದ 8.99 ಲಕ್ಷದವರೆಗೆ ಇದೆ.
‘ಎರಡನೇ ಪೀಳಿಗೆಯ ಕಾಂಪ್ಯಾಕ್ಟ್‌ ಸೆಡಾನ್‌ ಮಾದರಿಯಲ್ಲಿ ಹೋಂಡಾ ಸಿಟಿಯ ಯಶಸ್ಸನ್ನು ಪುನರಾವರ್ತಿಸುವ ನಿರೀಕ್ಷೆ ಹೊಂದಿದ್ದೇವೆ’ ಎಂದು ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್‌ನ ಅಧ್ಯಕ್ಷ ಜಾಕು ನಕನಿಷಿ ಪ್ರತಿಕ್ರಿಯಿಸಿದ್ದಾರೆ.
‘ಈ ಹಣಕಾಸು ವರ್ಷದಲ್ಲಿಯೇ ಇನ್ನೂ ಮೂರು ಹೊಸ ಮಾದರಿಗಳನ್ನು ಬಿಡುಗಡೆ ಮಾಡಲಿದ್ದು, ಮುಂದಿನ ಮೂರು ವರ್ಷಗಳಲ್ಲಿ ಮೂರು ಹೊಸವಾಹನಗಳು ಮಾರುಕಟ್ಟೆಗೆ ಬರಲಿವೆ’ ಎಂದು ಅವರು ಮಾಹಿತಿ ನೀಡಿದ್ದಾರೆ.
