ಯೋಗ ಕೋರ್ಸ್‌ ಮಾನ್ಯತೆ ನೀಡಲು ನ್ಯಾಕ್ ಸಿದ್ಧತೆ

ಶನಿವಾರ, ಮಾರ್ಚ್ 23, 2019
34 °C

ಯೋಗ ಕೋರ್ಸ್‌ ಮಾನ್ಯತೆ ನೀಡಲು ನ್ಯಾಕ್ ಸಿದ್ಧತೆ

Published:
Updated:
Prajavani

 ಬೆಂಗಳೂರು: ಯೋಗ ಕೋರ್ಸ್‌ಗಳಿಗೆ ಮಾನ್ಯತೆ ನೀಡಲು ನ್ಯಾಕ್‌ (ನ್ಯಾಷನಲ್‌ ಅಸೆಸ್‌ಮೆಂಟ್‌ ಅಂಡ್ ಅಕ್ರೆಡಿ
ಟೇಷನ್‌ ಕೌನ್ಸಿಲ್‌) ಸಿದ್ಧತೆ ನಡೆಸಿದೆ.

ದೇಶದ ಸಾಕಷ್ಟು ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳಲ್ಲಿ ಯೋಗ ಕೋರ್ಸ್‌ಗಳು ನಡೆಯುತ್ತಿವೆ. ಯೋಗ ಕೋರ್ಸ್‌ಗಳಿಗೆ ಮಾನ್ಯತೆ ನೀಡುವ ಬಗ್ಗೆ ಅಭಿಪ್ರಾಯ ಪಡೆಯಲು ತಜ್ಞರ ಸಮಿತಿಗೆ ಸೂಚಿಸಲಾಗಿದೆ. ಈ ಸಮಿತಿಗೆ ಬೆಂಗಳೂರಿನ ಯೋಗ ಅನುಸಂಧಾನ ಸಂಸ್ಥಾನ ವಿ.ವಿ. ಕುಲಪತಿ ಡಾ.ನಾಗೇಂದ್ರ ಅಧ್ಯಕ್ಷರಾಗಿದ್ದಾರೆ.

ಯೋಗ ಪಠ್ಯದಲ್ಲಿ ಏಕರೂಪ ತರಲು ಉದ್ದೇಶಿಸಲಾಗಿದೆ. ಭಾರತ ವಿಶ್ವಕ್ಕೆ ನೀಡಿದ ಯೋಗದ ಮೂಲ ಸ್ವರೂಪವನ್ನು ಉಳಿಸಿಕೊಂಡೇ ಏಕರೂಪ ತರಲಾಗುವುದು ಎಂದು ನ್ಯಾಕ್‌ ಸಲಹೆಗಾರ ಮತ್ತು ಯೋಗ ಕಾರ್ಯಕ್ರಮ ಮಾನ್ಯತೆಯ ಸಂಚಾಲಕ ಜಗನ್ನಾಥ್‌ ಪಾಟೀಲ ತಿಳಿಸಿದ್ದಾರೆ.  ಯೋಗ ಶಿಕ್ಷಣದಲ್ಲಿ ಸಮನ್ವಯ ಮತ್ತು ಪ್ರಮಾಣೀಕರಣವನ್ನು ತರಲು ಮಾನವ ಸಂಪನ್ಮೂಲ ಅಭಿವೃದ್ಧಿ ಇಲಾಖೆ 2016 ರಲ್ಲಿ ತಜ್ಞರ ಸಮಿತಿಯನ್ನು ರಚಿಸಿತ್ತು. ಈ ಸಮಿತಿಯು ವಿ.ವಿ. ಶಿಕ್ಷಣದಲ್ಲಿ ಯೋಗ ಪಠ್ಯದ ಬಗ್ಗೆ ಕಾರ್ಯನಿರ್ವಹಿಸಿದೆ. ದೇಶದಲ್ಲಿ ಸುಮಾರು 50 ವಿಶ್ವವಿದ್ಯಾಲಯಗಳು ಮತ್ತು ಇತರ ಸಂಸ್ಥೆಗಳಲ್ಲಿ ಯೋಗ ಕೋರ್ಸ್‌ಗಳನ್ನು ನಡೆಸಲಾಗುತ್ತಿದೆ ಎಂದಿದ್ದಾರೆ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !