ನೆಲಮಂಗಲ: ಪಟ್ಟಣದ ಸುಭಾಷ್‌ನಗರ ನಿವಾಸಿ ಅಂಗವಿಕಲ ವೀಲೋಗ್ರಾಫರ್‌ ಎನ್‌.ಎಂ.ವಿಜಯ್‌ ಅವರು ವೀಲೋಗ್ರಫಿ (ವಿಕಲಾಂಗರ ಛಾಯಾಗ್ರಹಣ) ಸ್ಪರ್ಧೆಯಲ್ಲಿ ‘ರುಕ್ನಾ ನಹಿ’ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಏಷಿಯನ್‌ ಫಿಸಿಯೋಥೆರಪಿ ಆ್ಯಂಡ್‌ ರಿಸರ್ಚ್‌ ಸೆಂಟರ್‌ ಅವರು ಅಂಗವಿಕಲ ಛಾಯಾಗ್ರಾಹಕರಿಗಾಗಿ ನೀಡುವ ಪ್ರಶಸ್ತಿ ಇದಾಗಿದೆ. ಈಚೆಗೆ ಗುಜರಾತ್‌ನ ಸೂರತ್‌ನಲ್ಲಿ ನಡೆದ ಸಮಾರಂಭದಲ್ಲಿ ಅವರು ಪ್ರಶಸ್ತಿ ಸ್ವೀಕರಿಸಿದರು.
ಎನ್‌.ಎಂ.ವಿಜಯ್‌ ಅವರು ಅಂಗವಿಕಲ ಕ್ರೀಡಾಪಟುಗಳಿಗಾಗಿ ದಿವ್ಯಾಂಗ್‌ ಮೈತ್ರಿ ಸ್ಪೋರ್ಟ್ಸ್‌ ಅಕಾಡೆಮಿ ಸಂಸ್ಥಾಪಕರು. ದಿವ್ಯಾಂಗ್‌ ಸಂಸ್ಥೆ ವತಿಯಿಂದ ಗಾಲಿಕುರ್ಚಿ ಕ್ರಿಕೆಟ್‌, ಬ್ಯಾಸ್ಕೆಟ್‌ ಬಾಲ್‌ ಇತರ ಕ್ರೀಡೆಗಳ ತರಬೇತಿ, ಪಂದ್ಯ ಹಮ್ಮಿಕೊಳ್ಳಲಾಗುತ್ತದೆ.
