ತುಮಕೂರು: ಪದವಿಯ 1 ಮತ್ತು 3ನೇ ಸೆಮಿಸ್ಟರ್‌ನ ರಸಾಯನ ವಿಜ್ಞಾನ ವಿಷಯ ಪ್ರಶ್ನೆ ಪತ್ರಿಕೆ ಬಹಿರಂಗ ಪ್ರಕರಣಕ್ಕೆ ಸಂಬಂಧಿಸಿದಂತೆ 5 ಮಂದಿ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ ಎಂದು ತುಮಕೂರು ವಿಶ್ವವಿದ್ಯಾಲಯ ಕುಲಪತಿ ಪ್ರೊ.ವೈ.ಎಸ್.ಸಿದ್ದೇಗೌಡ ಹೇಳಿದರು.
‘ಐವರಲ್ಲಿ ಮೂವರನ್ನು 5 ವರ್ಷ ಪರೀಕ್ಷಾ ಕಾರ್ಯದಿಂದ ಅಮಾನತು ಮಾಡಲಾಗಿದೆ. ಇಬ್ಬರನ್ನು ಪರೀಕ್ಷಾ ಕಾರ್ಯ ದಿಂದ ಶಾಶ್ವತವಾಗಿ ಅಮಾನತು ಮಾಡಲಾಗಿದೆ. ಪ್ರಶ್ನೆ ಪತ್ರಿಕೆ ಮುದ್ರಣಕ್ಕೆ ₹ 2.67 ಲಕ್ಷ ವೆಚ್ಚವಾಗಿತ್ತು. ಈ ಐವರಲ್ಲಿ, ಒಬ್ಬ ಪ್ರಾಂಶುಪಾಲರಿಂದ ಶೇ 65 ರಷ್ಟು, ಮತ್ತೊಬ್ಬರಿಂದ ಶೇ 35 ರಷ್ಟು ದಂಡ ವಸೂಲಿ ಮಾಡಲಾಗುವುದು ಎಂದರು.
