ದ್ವಿತೀಯ ಪಿಯು ಮಾದರಿ ಪ್ರಶ್ನೆ ಪತ್ರಿಕೆ: ವಿವರಣೆ

ಪ್ರಶ್ನೆ ಪತ್ರಿಕೆಗಳ ಮಾದರಿ, ಪ್ರಶ್ನೆಗಳ ವಿಧ ಮತ್ತು ಅಂಕಗಳ ವಿವರ ಈ ರೀತಿ ಇವೆ–

ದ್ವಿತೀಯ ಪಿಯುಸಿ ಲೆಕ್ಕಶಾಸ್ತ್ರ: ಪ್ರಶ್ನೆ ಪತ್ರಿಕೆಯ ‘ಎ’ ವಿಭಾಗದಲ್ಲಿ 1 ಅಂಕದ 10 ಪ್ರಶ್ನೆಗಳಿರುತ್ತವೆ, (ಬಿಟ್ಟ ಸ್ಥಳ ಭರ್ತಿ ಮಾಡಿ–2 ಬಹು ಆಯ್ಕೆ ಪ್ರಶ್ನೆ–2, ಸರಿ/ತಪ್ಪು–1, ವಿಸ್ತರಣೆ–1, ಉದಾಹರಣೆ–1 ಲಘು, ಉತ್ತರ–3 ಪ್ರಶ್ನೆಗಳು). ಇದರಲ್ಲಿ 8 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಬಿ’ ವಿಭಾಗದಲ್ಲಿ 2 ಅಂಕದ 8 ಪ್ರಶ್ನೆಗಳು ಇರುತ್ತವೆ. ಅದರಲ್ಲಿ 5 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಸಿ’ ವಿಭಾಗದಲ್ಲಿ 6 ಅಂಕದ 7 ಪ್ರಶ್ನೆಗಳಿರಲಿದ್ದು, 4 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಇ’ ವಿಭಾಗದಲ್ಲಿ 5 ಅಂಕದ 3 ಪ್ರಶ್ನೆಗಳಿರಲಿದ್ದು, 2 ಪ್ರಶ್ನೆಗಳಿಗೆ ವಿದ್ಯಾರ್ಥಿಗಳು ಉತ್ತರಿಸಬೇಕಾಗುತ್ತದೆ.

ವ್ಯವಹಾರ ಅಧ್ಯಯನ: ಪ್ರಶ್ನೆ ಪತ್ರಿಕೆಯ ‘ಎ’ ವಿಭಾಗದಲ್ಲಿ 1 ಅಂಕದ 12 ಪ್ರಶ್ನೆಗಳಿದ್ದು(ಬಹು ಆಯ್ಕೆ ಪ್ರಶ್ನೆ–4, ಲಘು ಉತ್ತರ–8 ಪ್ರಶ್ನೆಗಳು) ಅದರಲ್ಲಿ 10 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಬಿ’ ವಿಭಾಗದಲ್ಲಿ 2 ಅಂಕದ 12 ಪ್ರಶ್ನೆಗಳಿದ್ದು, ಅದರಲ್ಲಿ 10 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಸಿ’ ವಿಭಾಗದಲ್ಲಿ 4 ಅಂಕದ 10 ಪ್ರಶ್ನೆಗಳಿದ್ದು, ಅದರಲ್ಲಿ 4 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಡಿ’ ವಿಭಾಗದಲ್ಲಿ 8 ಅಂಕದ 6 ಪ್ರಶ್ನೆಗಳಿದ್ದು ಅದರಲ್ಲಿ 4 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ‘ಇ’ ವಿಭಾಗದಲ್ಲಿ 5 ಅಂಕದ 3 ಪ್ರಶ್ನೆಗಳಿದ್ದು ಅದರಲ್ಲಿ 2 ಪ್ರಶ್ನೆಗಳಿಗೆ ವಿದ್ಯಾರ್ಥಿಗಳು ಉತ್ತರಿಸಬೇಕಾಗುತ್ತದೆ.

ಅರ್ಥಶಾಸ್ತ್ರ: ಪ್ರಶ್ನೆ ಪತ್ರಿಕೆಯ ‘ಎ’ ವಿಭಾಗದಲ್ಲಿ 1 ಅಂಕದ 20 ಪ್ರಶ್ನೆಗಳಿದ್ದು (ಬಹು ಆಯ್ಕೆಯ ಪ್ರಶ್ನೆ–5, ಬಿಟ್ಟ ಸ್ಥಳ ಭರ್ತಿ–5, ಹೊಂದಿಸಿ ಬರೆಯುವುದು–5 ಲಘು ಉತ್ತರ –5 ಪ್ರಶ್ನೆಗಳು) ಎಲ್ಲಾ ಪ್ರಶ್ನೆಗಳಿಗೆ ಉತ್ತರಿಸಬೇಕು. ‘ಬಿ’ ವಿಭಾಗದಲ್ಲಿ 2 ಅಂಕದ 14 ಪ್ರಶ್ನೆಗಳಿದ್ದು, ಅದರಲ್ಲಿ 9 ಪ್ರಶ್ನೆಗಳಿಗೆ ಉತ್ತರಿಸಬೇಕು. ‘ಸಿ’ ವಿಭಾಗದಲ್ಲಿ 4 ಅಂಕದ 11 ಪ್ರಶ್ನೆಗಳಿದ್ದು ಅದರಲ್ಲಿ 7 ಪ್ರಶ್ನೆಗಳಿಗೆ ಉತ್ತರಿಸಬೇಕು. ‘ಡಿ’ ವಿಭಾಗದಲ್ಲಿ 6 ಅಂಕದ 7 ಪ್ರಶ್ನೆಗಳಿದ್ದು ಅದರಲ್ಲಿ 4 ಪ್ರಶ್ನೆಗಳಿಗೆ ಉತ್ತರಿಸಬೇಕು. ‘ಇ’ ವಿಭಾಗದಲ್ಲಿ 5 ಅಂಕದ 3 ಪ್ರಶ್ನೆಗಳಿದ್ದು, ಅದರಲ್ಲಿ 2 ಪ್ರಶ್ನೆಗಳಿಗೆ ಉತ್ತರಿಸಬೇಕು.