ಟೆಕಿ ಮೇಲೆ ಅತ್ಯಾಚಾರ; ಚೆನ್ನೈ ಯುವಕನಿಗೆ ಶೋಧ

ಮಂಗಳವಾರ, ಜೂನ್ 18, 2019
29 °C

ಟೆಕಿ ಮೇಲೆ ಅತ್ಯಾಚಾರ; ಚೆನ್ನೈ ಯುವಕನಿಗೆ ಶೋಧ

Published:
Updated:

ಬೆಂಗಳೂರು: ‘ಪ್ರೀತಿಸುವ ನಾಟಕವಾಡಿ ನನ್ನನ್ನು ಲೈಂಗಿಕವಾಗಿ ಬಳಸಿಕೊಂಡ ಅರುಣ್ (32) ಎಂಬಾತ, ಈಗ ಮದುವೆಯಾಗದೆ ವಂಚಿಸಿದ್ದಾನೆ’ ಎಂದು ಆರೋಪಿಸಿ ನಗರದ ಸಾಫ್ಟ್‌ವೇರ್ ಉದ್ಯೋಗಿಯೊಬ್ಬರು ಬಸವನಗುಡಿ ಠಾಣೆಗೆ ಸೋಮವಾರ ದೂರು ಕೊಟ್ಟಿದ್ದಾರೆ.

‘ಮದುವೆ ಮಾತುಕತೆ ನೆಪದಲ್ಲಿ ನನ್ನನ್ನು ಇದೇ ಮಾರ್ಚ್ 17 ಹಾಗೂ 31ರಂದು ಬಸವನಗುಡಿಯ ಸನ್ಮಾನ್ ಲಾಡ್ಜ್‌ಗೆ ಕರೆಸಿಕೊಂಡಿದ್ದ ಅರುಣ್, ಬಲವಂತವಾಗಿ ಲೈಂಗಿಕ ಕ್ರಿಯೆ ನಡೆಸಿದ್ದ’ ಎಂದು ಸಂತ್ರಸ್ತೆ ಆರೋಪಿಸಿದ್ದಾರೆ. ಹೀಗಾಗಿ ಅತ್ಯಾಚಾರ (ಐಪಿಸಿ 376) ಹಾಗೂ ವಂಚನೆ (420) ಆರೋಪಗಳಡಿ ಪ್ರಕರಣ ದಾಖಲಿಸಿಕೊಂಡು, ಆರೋಪಿಯ ಬಂಧನಕ್ಕೆ ಚೆನ್ನೈ ಪೊಲೀಸರ ನೆರವು ಕೋರಿರುವುದಾಗಿ ಬಸವನಗುಡಿ ಪೊಲೀಸರು ಹೇಳಿದ್ದಾರೆ.

ದೂರಿನ ವಿವರ: ‘2013–14ರಲ್ಲಿ ಚೆನ್ನೈನ ಕಂಪನಿಗೆ ಸಂದರ್ಶನಕ್ಕೆ ಹೋಗಿದ್ದಾಗ ಅಲ್ಲಿ ಅರುಣ್‌ನ ಪರಿಚಯವಾಗಿತ್ತು. ಆಗಿನಿಂದ ಇಬ್ಬರೂ ಒಳ್ಳೆಯ ಸ್ನೇಹಿತರಂತೆ ಇದ್ದೆವು. ನಿತ್ಯ ಆತ ಫೋನ್, ಮೆಸೇಜ್ ಮಾಡುತ್ತ ಸಲುಗೆಯಿಂದಲೇ ಇದ್ದ. ಆದರೆ, ಇದೇ ಜನವರಿಯಲ್ಲಿ ಪ್ರೇಮ ನಿವೇದನೆ ಮಾಡಿಕೊಂಡ. ನಾನೂ ಆ ಪ್ರೀತಿಯನ್ನು ಒಪ್ಪಿಕೊಂಡಿದ್ದೆ’ ಎಂದು ಸಂತ್ರಸ್ತೆ ದೂರಿನಲ್ಲಿ ವಿವರಿಸಿದ್ದಾರೆ.

‘ನನ್ನನ್ನು ನೇರವಾಗಿ ಭೇಟಿಯಾಗಲೆಂದು ಅರುಣ್ ಮಾರ್ಚ್ ಮೊದಲ ವಾರದಲ್ಲಿ ನಗರಕ್ಕೆ ಬಂದಿದ್ದ. ಆಗ ನಾವಿಬ್ಬರೂ ಲಾಲ್‌ಬಾಗ್, ಕಬ್ಬನ್‌ಪಾರ್ಕ್‌, ದೇವಸ್ಥಾನಗಳು ಸೇರಿದಂತೆ ನಗರದ ವಿವಿಧೆಡೆ ಸುತ್ತಾಡಿದ್ದೆವು. ಮೇ 17ರಂದು ಕರೆ ಮಾಡಿದ ಆತ, ಮದುವೆ ಮಾತುಕತೆ ಬಗ್ಗೆ ಮಾತನಾಡಲು ಸನ್ಮಾನ್ ಲಾಡ್ಜ್‌ಗೆ ಬರುವಂತೆ ಹೇಳಿದ್ದ.’

‘ಆತನ ಮಾತನ್ನು ನಂಬಿ ಲಾಡ್ಜ್‌ಗೆ ಹೋದಾಗ, ‘ನಾವಿಬ್ಬರೂ ಮದುವೆ ಆಗುವವರು. ಈ ದಿನ ನನ್ನೊಂದಿಗೆ ಸಹಕರಿಸು’ ಎಂದು ಕೇಳಿಕೊಂಡ. ಒಪ್ಪದಿದ್ದಾಗ ಬಲವಂತವಾಗಿ ಲೈಂಗಿಕ ಕ್ರಿಯೆ ನಡೆಸಿದ. ಹೇಗಿದ್ದರೂ ಮದುವೆ ಆಗುತ್ತಾನೆಂದು ನಾನೂ ಸುಮ್ಮನಾಗಿದ್ದೆ. ಮಾ. 31ರಂದು ಪುನಃ ಅದೇ ರೀತಿ ನಡೆಯಿತು.’

‘ಆನಂತರ ಚೆನ್ನೈಗೆ ಮರಳಿದ ಅರುಣ್, ಮತ್ತೆ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಮೊಬೈಲ್‌ ಸ್ವಿಚ್ಡ್ ಆಫ್ ಮಾಡಿಕೊಂಡು ಓಡಾಡುತ್ತಿದ್ದಾನೆ. ಹುಡುಕಿಕೊಂಡು ಮನೆಗೆ ಹೋದರೆ, ಆತನ ತಂದೆ ನನಗೇ ಬೈದು ಕಳುಹಿಸಿದ್ದಾರೆ. ಹೀಗಾಗಿ, ನೀವೇ ನ್ಯಾಯ ಕೊಡಿಸಬೇಕು’ ಎಂದು ಸಂತ್ರಸ್ತೆ ಪೊಲೀಸರನ್ನು ಮನವಿ ಮಾಡಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 4

    Angry

Comments:

0 comments

Write the first review for this !