ಆರಂಭದಲ್ಲಿ ಕೋರಮಂಗಲ, ಜಯನಗರ, ರಾಜಾಜಿನಗರ, ಇಂದಿರಾನಗರ, ಯಶವಂತಪುರ, ಯಲಹಂಕ, ಕೆ.ಆರ್.ಪುರ, ಎಲೆಕ್ಟ್ರಾನಿಕ್ ಸಿಟಿ ಹಾಗೂ ಜ್ಞಾನಭಾರತಿ ಆರ್ಟಿಒ ಕಚೇರಿಗಳಲ್ಲಿ ಆಟೊಗಳಿಗೆ ಪರವಾನಗಿ ನೀಡಲಾಗುತ್ತಿತ್ತು. ನಗರದಲ್ಲಿ ಆಟೊಗಳ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆ, ಶಾಂತಿನಗರದಲ್ಲಿ 2011ರ ಡಿಸೆಂಬರ್ 1ರಂದು ಪ್ರತ್ಯೇಕ ಆರ್ಟಿಒ ಕಚೇರಿ ತೆರೆಯಲಾಯಿತು. ಅಂದಿನಿಂದ ಆಟೊಗಳ ಪರವಾನಗಿ, ಅದರ ನವೀಕರಣ, ವರ್ಗಾವಣೆ ಮತ್ತು ವಾಹನ ಬದಲಾವಣೆಯ ನಡಾವಳಿಗಳನ್ನು ಇದೇ ಕಚೇರಿಯಲ್ಲೇ ನೀಡಲಾಗುತ್ತಿತ್ತು.