ಮಂಡ್ಯ: 'ಅಂಬರೀಷ್ ಮೃತದೇಹ ಮಂಡ್ಯಕ್ಕೆ ಕೊಂಡೊಯ್ದ ವಿಚಾರದಲ್ಲಿ ನಾನು ಸತ್ಯ ಹೇಳಿದ್ದೇನೆ. ಅದು ಸತ್ಯವೋ, ಅಲ್ಲವೋ ಎಂಬ ಬಗ್ಗೆ ಪಕ್ಷೇತರ ಅಭ್ಯರ್ಥಿ ಯಾವುದೇ ದೇವಾಲಯದಲ್ಲಿ ಪ್ರಮಾಣ ಮಾಡಲಿ' ಎಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಸವಾಲು ಹಾಕಿದರು.
ಸುದ್ದಿಗಾರರ ಜೊತೆ ಮಾತನಾಡಿದ ಅವರು 'ಕೊನೆಯ ದಿನ ಪಕ್ಷೇತರ ಅಭ್ಯರ್ಥಿ ಕೀಳು ಅಭಿರುಚಿಯ ಭಾಷಣ ಮಾಡಿದ್ದಾರೆ. ಅವರಂತಹ ಕೀಳು ಅಭಿರುಚಿಯ ಜನರನ್ನು ನಾನು ಜೀವನದಲ್ಲೇ ಕಂಡಿಲ್ಲ. ಅವರ ಎಲ್ಲಾ ಮಾತುಗಳಿಗೆ ನಾನು ಉತ್ತರ ಕೊಡುವ ಅಗತ್ಯವಿಲ್ಲ. ಜನರೇ ಉತ್ತರ ಕೊಡುತ್ತಾರೆ' ಎಂದರು.
