ಭಕ್ತರಿಗೆ ಸುಬುಧೇಂದ್ರ ಸ್ವಾಮೀಜಿ ತಪ್ತಮುದ್ರಾಧಾರಣೆ

7

ಭಕ್ತರಿಗೆ ಸುಬುಧೇಂದ್ರ ಸ್ವಾಮೀಜಿ ತಪ್ತಮುದ್ರಾಧಾರಣೆ

Published:
Updated:
Deccan Herald

ಹುಬ್ಬಳ್ಳಿ: ಮಂತ್ರಾಲಯ ಮಠದ ಸುಬುಧೇಂದ್ರ ಸ್ವಾಮೀಜಿ ನಗರದ ನಂಜನಗೂಡು ರಾಘವೇಂದ್ರ ಸ್ವಾಮಿ ಮಠದದಲ್ಲಿ ಸೋಮವಾರ ಭಕ್ತರಿಗೆ ತಪ್ತಮುದ್ರಾಧಾರಣೆ ಮಾಡಿದರು.

‘ಭಕ್ತರಲ್ಲಿ ವೈಷ್ಣವತ್ವ ಜಾಗೃತಿ ಆಗಬೇಕು. ಇದಕ್ಕಾಗಿ ಎಲ್ಲರೂ ಸಂಸ್ಕಾರವಂತರಾಗಬೇಕು. ದೇವರ ಆಯುಧವಾದ ಶಂಕ, ಚಕ್ರ ಇರುವ ಮುದ್ರಾಧಾರಣೆ ಮಾಡುವುದರಿಂದ ಈ ದೇಹ ವಿಷ್ಣುವಿಗೆ ಸಂಬಂಧಿಸಿದ್ದು ಎಂಬ ಕಲ್ಪನೆ ಬರುತ್ತದೆ. ಈ ಶರೀರ ವಿಷ್ಣುವಿನ ಪಾದಕ್ಕೆ ಸೇರುವ ಬಯಕೆಯನ್ನು ಹೊಂದಿದೆ. ಈ ಚಿಹ್ನೆ ಆ ಸಂಕಲ್ಪಕ್ಕೆ ಪೂರಕ. ಪತ್ರ ಬರೆದ ನಂತರ ಅದು ಯಾರಿಗೆ ತಲುಪಬೇಕು ಎಂದು ವಿಳಾಸ ಬರೆಯಲಾಗುತ್ತದೆ, ಈ ಚಿಹ್ನೆ ಸಹ ವಿಳಾಸದಂತೆ’ ಎಂದು ಸ್ವಾಮೀಜಿ ಹೇಳಿದರು.

‘ಆಷಾಢ ಮಾಸ ವಿಶೇಷ ಕಾಲವಾಗಿರುವುದರಿಂದ ಈಗ ತಪ್ತಮುದ್ರಾಧಾರಣೆ ಮಾಡಲಾಗುತ್ತದೆ. ಸುದರ್ಶನ ಹೋಮದಲ್ಲಿ ಕಾಯಿಸಿ ಹಾಕುವ ಮುದ್ರೆ ತಪ್ತಮುದ್ರೆಯಾದರೆ, ಹಾಗೆಯೇ ಹಾಕುವುದು ಅತಪ್ತಮುದ್ರೆಯಾಗಿದೆ. ಗುರುಗಳು ಇರುವ ಕಡೆಗೆ ಹೋಗಿ ತಪ್ಪದೆ ಮುದ್ರಾಧಾರಣೆ ಮಾಡಿ. ಎಡ– ಬಲ ಭುಜದಲ್ಲಿ ಮುದ್ರೆ ಇದ್ದರೆ ಯಮನ ಭಟರು ಸಹ ಹತ್ತಿರ ಬರುವುದಿಲ್ಲ’ ಎಂದು ಅವರು ಹೇಳಿದರು.

ಮಠಕ್ಕೆ ಆಗಮಿಸಿದ ಸ್ವಾಮೀಜಿ ಅವರಿಗೆ ಭಕ್ತರು ಅದ್ಧೂರಿ ಸ್ವಾಗತ ಕೋರಿದರು. ಪುಷ್ಪಾರ್ಚನೆ ಮಾಡಿ ಬರಮಾಡಿಕೊಂಡರು. ಪೂಜೆ ಸಲ್ಲಿಸಿದ ಸ್ವಾಮೀಜಿ, ಸುದರ್ಶನ ಹೋಮದ ಪೂರ್ಣಾಹುತಿಯಲ್ಲಿ ಪಾಲ್ಗೊಂಡರು. ಕಾಷ್ಠಮಯ ಆನೆ ಮತ್ತು ಅಂಬಾರಿ ಉದ್ಘಾಟಿಸಿದರು. ಮಠದ ಆವರಣದಲ್ಲಿ ನಿರ್ಮಾಣ ಮಾಡಿರುವ ಗುಡಿಯಲ್ಲಿ ಸುಬ್ರಹ್ಮಣ್ಯ ದೇವರ ಪ್ರತಿಷ್ಠಾಪನೆ ಮಾಡಿ ಪೂಜೆ ಸಲ್ಲಿಸಿದರು.

ಹಿರಿಯರು, ಯುವಕರು, ಮಹಿಳೆಯರು ಹಾಗೂ ಮಕ್ಕಳು ನೂರಾರು ಸಂಖ್ಯೆಯಲ್ಲಿ ಮುದ್ರಾಧಾರಣೆ ಮಾಡಿಸಿಕೊಂಡರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !