ಬೆಂಗಳೂರು: ದಿವಂಗತ ಅನಂತಕುಮಾರ್ ಅವರ ಪತ್ನಿ ತೇಜಸ್ವಿನಿ ಅನಂತಕುಮಾರ್ ‘ತೇಜ್ಅನಂತಕುಮಾರ್’ ಹೆಸರಿನಲ್ಲಿ ಹೊಸ ಟ್ವಿಟರ್ ಖಾತೆ ಆರಂಭಿಸಿದ್ದಾರೆ.
ತೇಜಸ್ವಿನಿಯವರು ಹಲವು ವರ್ಷಗಳಿಂದ ಪರಿಸರ, ಸಾಮಾಜಿಕ ಕಳಕಳಿ ಕುರಿತು ಟ್ವೀಟ್ ಮಾಡುತ್ತಿದ್ದರು. ಇನ್ನು ಮುಂದೆ ‘ತೇಜ್ಅನಂತಕುಮಾರ್’ ಹೆಸರಿನಲ್ಲಿ ಖಾತೆ ಬಳಸುವುದಾಗಿ ಹೇಳಿಕೊಂಡಿದ್ದಾರೆ.
ಈ ಹಿಂದಿನ ಟ್ವಿಟರ್ ಖಾತೆಯಲ್ಲಿ ತಮ್ಮ ಪರಿಚಯವನ್ನು ಎಂಜಿನಿಯರ್, ಅದಮ್ಯ ಚೇತನದ ಮುಖ್ಯಸ್ಥೆ, ಇಬ್ಬರು ಹೆಣ್ಣು ಮಕ್ಕಳ ತಾಯಿ ಎಂದು ನಮೂದಿಸಿದ್ದರು. ಹೊಸ ಖಾತೆಯಲ್ಲಿ ಸಸ್ಯ ಸಂಪತ್ತಿನ ಚಿತ್ರ, ಹಿನ್ನೆಲೆಯಲ್ಲಿ ಅನಂತಕುಮಾರ್ ಮತ್ತು ದಿವಂಗತ ನಾಯಕ ವಿಜಯಕುಮಾರ್ ಜತೆಯಲ್ಲಿರುವ ಚಿತ್ರವನ್ನು ಹಾಕಿದ್ದಾರೆ.