ಬೆಂಗಳೂರು: ವಿದ್ಯಾರ್ಥಿಗಳಿಗೆ ಹೆಚ್ಚಿನ ಉದ್ಯೋಗಾವಕಾಶ ಕಲ್ಪಿಸುವ ಉದ್ದೇಶದಿಂದ ವೋಡಾಫೋನ್ ಇಂಡಿಯನ್ ಫೌಂಡೇಷನ್ ಜತೆಗೆಬೆಂಗಳೂರು ವಿಶ್ವವಿದ್ಯಾಲಯ ಒಪ್ಪಂದ ಮಾಡಿಕೊಂಡಿದೆ.
‘ತಾಂತ್ರಿಕ ಕೌಶಲ್ಯಗಳನ್ನು ಹೇಳಿಕೊಡುವುದರ ಜತೆಗೆ ವಿದ್ಯಾರ್ಥಿಗಳ ಸಾಮರ್ಥ್ಯವನ್ನೂ ಹೆಚ್ಚಿಸಲಾಗುವುದು. ಇದಕ್ಕಾಗಿ ಬೋಧನೆ ಮತ್ತು ಅನುಭವದ ಕಲಿಕೆಗಾಗಿ ಪಠ್ಯಕ್ರಮವನ್ನು ಅಪ್ಡೇಟ್ ಮಾಡಲಾಗುವುದು’ ಎಂದು ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ವೇಣುಗೋಪಾಲ್ ತಿಳಿಸಿದರು.
‘ಒಪ್ಪಂದದ ಭಾಗವಾಗಿ ವೊಡಾಫೋನ್ ವಿಶ್ವವಿದ್ಯಾಲಯದ ಕ್ಯಾಂಪಸ್ನಲ್ಲಿ ಪ್ರಯೋಗಾಲಯ ಸ್ಥಾಪಿಸಲಿದೆ. ಎಂಜಿನಿಯರಿಂಗ್ ವಿದ್ಯಾರ್ಥಿಗಳು ಮತ್ತು ಇತರ ವಿದ್ಯಾರ್ಥಿಗಳಿಗೂ ಇದರಿಂದ ಪ್ರಯೋಜನ ಆಗಲಿದೆ’ ಎಂದರು.
ಒಪ್ಪಂದಕ್ಕೆ ಕುಲಪತಿ ವೇಣುಗೋಪಾಲ್ ಮತ್ತು ವೋಡಾಫೋನ್ ಐಡಿಯಾದ ಸಿಎಸ್ಆರ್ ಮುಖ್ಯಸ್ಥ ಡಾ.ನಿಲಯ ರಂಜನ್ ಸಹಿ ಮಾಡಿದರು.