‘ಈ ಪ್ರದೇಶದಲ್ಲಿ ಒಟ್ಟು 605 ಎಕರೆ ಜಾಗ ಇತ್ತು. ಕಾಲಕ್ರಮೇಣ ಈ ಜಾಗವನ್ನು ಸರ್ಕಾರ ಬೇರೆ ಬೇರೆ ಸಂಸ್ಥೆಗಳಿಗೆ ಹಂಚಿತ್ತು. ಅದರಲ್ಲಿ ಎಷ್ಟು ಪ್ರದೇಶ ಮಂಜೂರಾಗಿದೆ ಎಂಬ ಬಗ್ಗೆ ದಾಖಲೆಗಳ ಪರಿಶೀಲನೆ ನಡೆಯಬೇಕಿದೆ. ವಕ್ಫ್ ಮಂಡಳಿಯವರು ಹೇಳುವ ಪ್ರಕಾರ ಇಲ್ಲಿ 83 ಎಕರೆಗಳಷ್ಟು ಅವರಿಗೆ ಸೇರಿದ ಜಾಗವಿದೆ. ಆದರೆ, ನಾವು ಅವುಗಳ ದಾಖಲೆ ಪರಿಶೀಲಿಸಬೇಕು. ಯಾರಾದರೂ ಜಾಗದ ಮಾಲೀಕರು ತಾವು ಎಂದು ಹೇಳುವ ಸಾಧ್ಯತೆಯೂ ಇದೆ. ಕೆಲವು ಜಾಗಗಳಿಗೆ ಸಂಬಂಧಿಸಿ ನ್ಯಾಯಾಲಯದಲ್ಲಿ ಪ್ರಕರಣಗಳು ದಾಖಲಾಗಿವೆ. ಅವುಗಳ ಸ್ಥಿತಿಗತಿಯನ್ನು ನೋಡಬೇಕು’ ಎಂದು ಜಿಲ್ಲಾಧಿಕಾರಿ ಹೇಳಿದರು.