ಮುಂಬೈನಲ್ಲಿ ಕಟ್ಟಡ ಕುಸಿತ: ಅವಶೇಷಗಳ ಅಡಿ ಸಿಲುಕಿ 4 ಮಂದಿ ಸಾವು
ಮುಂಬೈ: ಇಲ್ಲಿ ಕೋಟೆ ಪ್ರದೇಶದಲ್ಲಿ ಗುರುವಾರ ಮಧ್ಯಾಹ್ನ ಐದು ಅಂತಸ್ತಿನ ಕಟ್ಟಡದ ಒಂದು ಭಾಗ ಕುಸಿದಿದೆ. ಕಟ್ಟಡದ ಅವಶೇಷಗಳ ಅಡಿ ಸಿಲುಕಿ ನಾಲ್ಕು ಮಂದಿ ಸಾವಿಗೀಡಾಗಿದ್ದಾರೆ. ಎನ್‌ಡಿಆರ್‌ಎಫ್‌ ತಂಡ ರಕ್ಷಣಾ ಕಾರ್ಯಾಚರಣೆ ಮುಂದುವರಿಸಿದೆ.
ಎನ್‌ಡಿಆರ್‌ಎಫ್‌ ತಂಡ ರಾತ್ರಿ 10ರ ವರೆಗೂ ಕಟ್ಟಡದ ಅವಶೇಷಗಳ ಅಡಿಯಲ್ಲಿ ಸಿಲುಕಿದ್ದ 13 ಜನರನ್ನು ರಕ್ಷಿಸಿದ್ದಾರೆ. ಬುಧವಾರ ರಾತ್ರಿ ಮುಂಬೈನಲ್ಲಿ ಧಾರಾಕಾರ ಮಳೆ ಸುರಿದಿದೆ. ಗುರುವಾರ ಬೆಳಿಗ್ಗೆ 8:30ರ ವರೆಗೂ ಮಳೆ ಮುಂದುವರಿದಿತ್ತು.
ಕೋಟೆಯ ಲಕ್ಕಿ ಹೌಸ್ ಸಮೀಪದ ಭಾನುಶಾಲಿ ಕಟ್ಟಡ 4:43ಕ್ಕೆ ಕುಸಿದಿದೆ. ನಾಲ್ಕು ಅಗ್ನಿಶಾಮಕ ವಾಹನಗಳು ಹಾಗೂ ಎನ್‌ಡಿಆರ್‌ಎಫ್‌ ತಂಡ ಶೋಧ ಕಾರ್ಯ ನಡೆಸುತ್ತಿದೆ.
#UPDATE: Body of a 60-year-old man recovered from the debris: National Disaster Response Force
— ANI (@ANI) July 16, 2020
So far, 3 people have lost their lives in the incident where a part of Bhanushali building at Fort, Mumbai collapsed earlier today. https://t.co/fknlNqJHnx
ಇಂದು ಬೆಳಿಗ್ಗೆ ಮುಂಬೈ ಮಲಾಡ್‌ನ ಅಬ್ದುಲ್‌ ಹಮಿದ್ ಮಾರ್ಗ್‌ನಲ್ಲಿ ಚಾವ್ಲ್‌ವೊಂದರಲ್ಲೂ (ನಿವಾಸಿ ಕಟ್ಟಡ) ಕುಸಿತ ಸಂಭವಿಸಿತ್ತು. ನಾಲ್ವರನ್ನು ರಕ್ಷಿಸಿ ಆಸ್ಪತ್ರೆಗೆ ಕಳುಹಿಸಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.