ಮುಂಬೈನಲ್ಲಿ ಎಡಬಿಡದೆ ಸುರಿದ ಮಳೆ

ಪೊವಾಯಿ ಸರೋವರವು ತುಂಬಿ ಹರಿಯುತ್ತಿದೆ. ಸಮುದ್ರ ಹಾಗೂ ಜಲಾವೃತ ಪ್ರದೇಶಗಳಿಂದ ದೂರ ಉಳಿಯುವಂತೆ ಪೊಲೀಸರು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ. ಕರಾವಳಿಯಲ್ಲಿಯೂ ಉತ್ತಮ ಮಳೆಯಾಗಿದೆ.

ಮುಂದಿನ ಎರಡು ದಿನಗಳಲ್ಲಿ ಮಹಾರಾಷ್ಟ್ರದ ಕರಾವಳಿ ಹಾಗೂ ಗುಜರಾತ್‌ನ ಸೌರಾಷ್ಟ್ರದಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ. ಅಲ್ಲದೇ ಮಹಾರಾಷ್ಟ್ರ –ಗೋವಾ ಕರಾವಳಿ ತೀರದಮೀನುಗಾರರು ಸಮುದ್ರಕ್ಕೆ ಇಳಿಯದಂತೆ ಸೂಚನೆ ನೀಡಿದೆ.

ಮುಂಬೈನ ಚೆಂಬೂರು, ವಡಾಲ, ಧಾರಾವಿ, ಅಂಧೇರಿ, ಹಿಂದ್‌ಮಾತಾ ಜಂಕ್ಷನ್‌, ಖಾರ್‌, ಮಿಲನ್‌ ಹಾಗೂ ಧಹಿಸರ್‌ ಸುರಂಗಗಳಲ್ಲಿ ನೀರು ತುಂಬಿಕೊಂಡಿದೆ. ದಕ್ಷಿಣ ಮುಂಬೈನಲ್ಲಿ ಭಾನುವಾರ ಬೆಳಿಗ್ಗೆ 8.30ರವರೆಗೆ 24 ಗಂಟೆಯ ಅವಧಿಯಲ್ಲಿ 129.6 ಮಿ.ಮೀಟರ್‌ ಮಳೆಯಾಗಿದೆ. ಪಶ್ಚಿಮ ಭಾಗದಲ್ಲಿ 200.8 ಮಿ.ಮೀ ಮಳೆಯಾಗಿರುವುದು ಸಾಂತಾಕ್ರೂಜ್‌ ಹವಾಮಾನ ಕೇಂದ್ರದಲ್ಲಿ ದಾಖಲಾಗಿದೆ.

‌