ಈ ಬಾಲಕಿಯು ರಾಜ್ಯಮಟ್ಟದಲ್ಲಿ ಎಂಟನೇ ರ್ಯಾಂಕ್ ಪಡೆದಿದ್ದಾಳೆ. ‘ಮಗಳು ಎಂಟನೇ ತರಗತಿಯವರೆಗೆ ಬೇರೆ ಶಾಲೆಯಲ್ಲಿ ಕಲಿಯುತ್ತಿದ್ದಳು. ಅಲ್ಲಿಗೆ ವಾಹನ ಸೌಲಭ್ಯವಿತ್ತು. ಆದರೆ, 9ನೇ ತರಗತಿಯಿಂದ 12 ಕಿ.ಮೀ ದೂರದ ಸರ್ಕಾರಿ ಶಾಲೆಗೆ ಹೋಗಬೇಕಾಯಿತು. ಅಲ್ಲಿಗೆ ಹೋಗಲು ವಾಹನ ವ್ಯವಸ್ಥೆ ಇರಲಿಲ್ಲ. ಆದ್ದರಿಂದ ದಿನನಿತ್ಯ ಶಾಲೆಗೆ ಹೋಗಿಬರಲು ಒಟ್ಟು 24 ಕಿ.ಮೀ. ದೂರ ಸೈಕಲ್ ತುಳಿಯಬೇಕಾಗಿತ್ತು. ಎರಡು ವರ್ಷಗಳ ಕಾಲ ಆಕೆ ಸೈಕಲ್ನಲ್ಲೇ ಓಡಾಡಿದ್ದಾಳೆ ಎಂದು ಬಾಲಕಿಯ ತಂದೆ, ರೈತ ಪುರುಷೋತ್ತಮ ಭದೊರಿಯಾ ತಿಳಿಸಿದ್ದಾರೆ. ಮಗಳ ಸಾಧನೆಯ ಬಗ್ಗೆ ಅವರು ಹೆಮ್ಮೆ ವ್ಯಕ್ತಪಡಿಸಿದ್ದು, ಮುಂದಿನ ಶಿಕ್ಷಣಕ್ಕಾಗಿ ಬೇರೆ ಯಾವುದಾದರೂ ವಾಹನ ವ್ಯವಸ್ಥೆ ಮಾಡುವುದಾಗಿ ಹೇಳಿದ್ದಾರೆ.