ಮಂಗಳವಾರ, ಆಗಸ್ಟ್ 4, 2020
22 °C
ರಕ್ಷಣಾ ಒಪ್ಪಂದಗಳ ಮಾಹಿತಿ ಕೇಳಿದ ವ್ಯಕ್ತಿಗಾಗಿ ಸಿಬಿಐ ಶೋಧ

ಪಿಎಂಒ ಅಧಿಕಾರಿ ಹೆಸರಿನಲ್ಲಿ ಬೋಯಿಂಗ್‌ ಕಚೇರಿ ಸಂಪರ್ಕ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಪ್ರಧಾನ ಮಂತ್ರಿ ಕಚೇರಿ (ಪಿಎಂಒ) ಅಧಿಕಾರಿ ಎಂಬುದಾಗಿ ಹೇಳಿಕೊಂಡ ವ್ಯಕ್ತಿಯೊಬ್ಬ ಬೋಯಿಂಗ್‌ ಇಂಡಿಯಾ ಕಚೇರಿ ಸಂಪರ್ಕಿಸಿ, ಕಂಪನಿಯೊಂದಿಗೆ ಮಾಡಲಾಗಿರುವ ರಕ್ಷಣಾ ಒಪ್ಪಂದಗಳ ಮಾಹಿತಿ ಕೇಳಿದ್ದಾರೆ.

ಅಲ್ಲದೇ, ಕಂಪನಿಯ ಅಧಿಕಾರಿಗಳು ಕೂಡಲೇ ಗೃಹ ಸಚಿವ ಅಮಿತ್‌ ಶಾ ಹಾಗೂ ಪ್ರಧಾನ ಕಾರ್ಯದರ್ಶಿ ಪಿ.ಕೆ.ಮಿಶ್ರಾ ಅವರನ್ನು ಕಾಣಬೇಕು ಎಂಬುದಾಗಿಯೂ ಹೇಳಿದ್ದಾರೆ. ಈ ವ್ಯಕ್ತಿಯ ಬಂಧನಕ್ಕಾಗಿ ಸಿಬಿಐ ಶೋಧ ನಡೆಸಿದೆ.

ಅನಿರುದ್ಧ್‌ ಸಿಂಗ್‌ ಎಂಬಾತ ಬೋಯಿಂಗ್‌ ಕಂಪನಿಗೆ ಕರೆ ಮಾಡಿ, ಮಾಹಿತಿ ಕೇಳಿದ್ದ. ಈತನ ವಿರುದ್ಧ ಸಿಬಿಐ ಎಫ್‌ಐಆರ್‌ ದಾಖಲಿಸಿ, ತನಿಖೆ ಕೈಗೊಂಡಿದೆ.

‘ಪಿಎಂಒ ಅಧಿಕಾರಿ ಎಂದು ಹೇಳಿಕೊಂಡ ಅನಿರುದ್ಧ್‌ ಸಿಂಗ್ ಕಳೆದ ವರ್ಷ ನವೆಂಬರ್‌ನಲ್ಲಿ ಹಲವು ಬಾರಿ ಮೊಬೈಲ್‌ ಕರೆ ಮಾಡಿದ್ದ. ಪಿ.ಕೆ.ಮಿಶ್ರಾ ಅವರ ವಿಶೇಷ ಸಹಾಯಕ ಜಿತೇಂದ್ರಕುಮಾರ್‌ ಜೊತೆ ಕಾರ್ಯ ನಿರ್ವಹಿಸುತ್ತಿರುವುದಾಗಿ ಹೇಳಿದ್ದ ಅನಿರುದ್ಧ್‌ ಸಿಂಗ್‌, ರಕ್ಷಣಾ ಒಪ್ಪಂದಗಳ ಬಗ್ಗೆ ಮಾಹಿತಿ ಕೇಳಿದ’ ಎಂದು ಬೋಯಿಂಗ್‌ ಇಂಡಿಯಾ ಅಧಿಕಾರಿ ಪ್ರವೀಣ್‌ ಯೋಗಂಭಟ್‌ ಅವರು ಪಿಎಂಒಗೆ ದೂರು ಸಲ್ಲಿಸಿದ್ದಾರೆ.

ಇದರ ಆಧಾರದ ಮೇಲೆ ಪಿಎಂಒ ಸಹಾಯಕ ನಿರ್ದೇಶಕ ಪಿ.ಕೆ.ಇಸ್ಸಾರ್ ನೀಡಿರುವ ದೂರಿನನ್ವಯ ಸಿಬಿಐ ಜೂನ್‌ 30ರಂದು ಪ್ರಕರಣ ದಾಖಲಿಸಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು