ಪಿಲಿಪೈನ್ಸ್‌: ಚರ್ಚ್‌ನಲ್ಲಿ ಭಯೋತ್ಪಾದಕರಿಂದ ಎರಡು ಬಾಂಬ್‌ ಸ್ಫೋಟ, 19 ಮಂದಿ ಸಾವು

ಸುಲು ಪ್ರಾಂತ್ಯದ ಜೊಲೊ ಕ್ಯಥೆಡ್ರಾಲ್‌ ಚರ್ಚ್‌ನ ಒಳಗೆ ಮೊದಲ ಬಾಂಬ್‌ ಸ್ಫೋಟಗೊಂಡಿದ್ದು, ಎರಡನೇ ಬಾಂಬ್‌ ವಾಹನಗಳ ನಿಲುಗಡೆ ಸ್ಥಳದಲ್ಲಿ ಸಂಭವಿಸಿದೆ.

ಅಬು ಸಯಯಾಫ್‌ ಭಯೋತ್ಪಾದನಾ ಗುಂಪು ಈ ದಾಳಿ ನಡೆಸಿದೆ ಎನ್ನಲಾಗಿದೆ.

ಬಾಂಬ್‌ ದಾಳಿಯಲ್ಲಿ ಐವರು ಸೈನಿಕರು ಹಾಗೂ 12 ನಾಗರಿಕರು ಮೃತಪಟ್ಟಿದ್ದಾರೆ ಎಂದು ಸಶಸ್ತ್ರ ಪಡೆಗಳ ವಕ್ತಾರ ಎಡ್ಗಾರ್ಡ್‌ ಅರೆವಾಲೊ ಅವರು ಡಿಜೆಎಂಎಂ ರೆಡಿಯೊಕ್ಕೆ ತಿಳಿಸಿದ್ದಾರೆ.

ದೇಶದಲ್ಲಿ ಸರ್ಕಾರ ಮತ್ತು ಅಬು ಸಯಯಾಫ್‌ ಮುಸ್ಲಿಂ ಪ್ರತ್ಯೇಕವಾದಿಗಳ ಗುಂಪುಗಳ ಮಧ್ಯೆ ಹೋರಾಟ ನಡೆಯುತ್ತಿದೆ.