ವಾಯುಮಾಲಿನ್ಯ ನಿಯಂತ್ರಣಕ್ಕೆ ಕೃತಕ ಮರ!

ಬಯೋಮಿಟೆಕ್‌ ಎಂಬ ಸಂಸ್ಥೆ ಇದನ್ನು ವಿನ್ಯಾಸಗೊಳಿಸಿದ್ದು, ಇದಕ್ಕೆ ’ಬಯೋ ಅರ್ಬನ್‌’ ಎಂದು ಹೆಸರಿಸಿದೆ. ಅಂದಾಜು 14 ಅಡಿ ಎತ್ತರ, 3 ಮೀ. ಸುತ್ತಳತೆ ಇರುವ ಈ ಕೃತಕ ಮರ, ಕಾಂಡವನ್ನು ಹೋಲುವ ರಚನೆ ಹೊಂದಿದ್ದು ಇದನ್ನು ಸ್ಟೀಲ್‌ನಿಂದ ತಯಾರಿಸಲಾಗಿದೆ. 368 ಮರಗಳು ಹೀರಿಕೊಳ್ಳುವ ಪ್ರಮಾಣದಷ್ಟೇ ಮಾಲಿನ್ಯಕಾರಕಗಳನ್ನು ಒಂದೇ ಕೃತಕ ಮರ ಹೀರಿಕೊಳ್ಳುತ್ತದೆ ಎಂದು ಸಂಸ್ಥೆ ಹೇಳಿದೆ.

‘ಮರವೊಂದರಲ್ಲಿ ನಡೆಯುವ ದ್ಯುತಿಸಂಶ್ಲೇಷಣೆ ಕ್ರಿಯೆಯು ತಂತ್ರಜ್ಞಾನದ ಮೂಲಕ ನಡೆಯುವಂತೆ ಈ ಕೃತಕ ಮರವನ್ನು ವಿನ್ಯಾಸಗೊಳಿಸಲಾಗಿದೆ’ ಎಂದು ಸಂಸ್ಥೆಯ ಸಂಸ್ಥಾಪಕ ಪಾಲುದಾರ ಜೇಮ್‌ ಫೆರರ್‌ ಹೇಳುತ್ತಾರೆ.

2016ರಲ್ಲಿ ಈ ಕೃತಕ ಮರವನ್ನು ವಿನ್ಯಾಸಗೊಳಿಸಲಾಗಿದೆ. ಸದ್ಯ ಪ್ಯೂಬ್ಲಾ, ಕೊಲಂಬಿಯಾ ಹಾಗೂ ಪನಾಮಾ ನಗರಗಳಲ್ಲಿ ತಲಾ ಒಂದು ಕೃತಕ ಮರ ಅಳವಡಿಸಲಾಗಿದೆ.