ಬಾಂಗ್ಲಾದೇಶ: ಎಫ್‌ಆರ್ ಟವರ್‌ನಲ್ಲಿ ಬೆಂಕಿ, 17 ಮಂದಿ ಸಾವು

ಸಾಕಷ್ಟು ಮಂದಿ ಕಟ್ಟಡದೊಳಗೆ ಸಿಲುಕಿಕೊಂಡಿದ್ದು, ರಕ್ಷಣಾ ಕಾರ್ಯಚರಣೆಯ ಬಳಿಕ ಕೆಲವರನ್ನು ರಕ್ಷಿಸಲಾಗಿದೆ. ಬೆಂಕಿಯ ತೀವ್ರತೆ ಕಡಿಮೆ ಮಾಡಲಾಯಿತು. ಆದರೆ ಸಂಪೂರ್ಣವಾಗಿ ಶಮನ ಮಾಡಲು ಸಾಧ್ಯವಾಗಿಲ್ಲ. ಇದೀಗಪರಿಸ್ಥಿತಿ ನಿಯಂತ್ರಣಕ್ಕೆ ಬಂದಿದೆ ಎಂದು ಅಗ್ನಿಶಾಮಕ ಮತ್ತು ನಾಗರಿಕ ರಕ್ಷಣಾ ಉಪನಿರ್ದೇಶಕ ದೆಬಾಶಿಶ್ ಬರ್ದಾನ್ ತಿಳಿಸಿದ್ದಾರೆ.

ಬೆಂಕಿ ಮೊದಲು ಆರನೇ ಅಂತಸ್ತಿನಲ್ಲಿ ಕಾಣಿಸಿಕೊಂಡಿತು. ಬಳಿಕ ಬೆಂಕಿಯ ಕೆನ್ನಾಲಿಗೆ ಎಲ್ಲೆಡೆ ಚಾಚಿತು ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ತಿಳಿಸಿದ್ದಾರೆ.

ಬೆಂಕಿ ನಂದಿಸುವ ಕಾರ್ಯ ಮುಂದುವರೆದಿದ್ದು,ವಿಷಾನಿಲವನ್ನು ಹೊರಗೆ ಬರುವಂತೆ ಮಾಡಲು ಕಟ್ಟಡದ ಗಾಜನ್ನು ಒಡೆಲಾಯಿತು. ಸ್ಥಳಕ್ಕೆ ಆಗಮಿಸಿದ ಸೇನಾ ಪಡೆ, ಹೆಲಿಕಾಪ್ಟರ್‌ಗಳ ಸಹಾಯದಿಂದ ಕಟ್ಟಡದೊಳಗೆ ಸಿಲುಕಿದ್ದ ಕೆಲವು ಮಂದಿಯನ್ನು ರಕ್ಷಿಸಿದೆ.