ಬ್ರೆಸಿಲಿಯಾ: ಜಗತ್ತಿನಲ್ಲಿ ಕೊರೊನಾ ವೈರಸ್ ಸೋಂಕಿನಿಂದ ಸಾವಿಗೀಡಾದವರ ಪೈಕಿ ಎರಡನೇ ಸ್ಥಾನಕ್ಕೆ ಜಿಗಿದಿರುವ ಬ್ರೆಜಿಲ್ನಲ್ಲಿ ಒಟ್ಟು ಸಾವಿನ ಸಂಖ್ಯೆ 50,000 ದಾಟಿದೆ.
ಕಳೆದ 24 ಗಂಟೆಗಳಲ್ಲಿ 17,400 ಹೊಸ ಪ್ರಕರಣಗಳು ಹಾಗೂ ಸೋಂಕಿನಿಂದ 640 ಮಂದಿ ಸಾವಿಗೀಡಾಗಿರುವುದಾಗಿ ಬ್ರೆಜಿಲ್ ಆರೋಗ್ಯ ಸಚಿವಾಲಯ ಹೇಳಿದೆ.
ಈ ಮೂಲಕ ಬ್ರೆಜಿಲ್ನಲ್ಲಿ ಒಟ್ಟು ಕೋವಿಡ್–19 ಪ್ರಕರಣಗಳ ಸಂಖ್ಯೆ 10,85,038 ತಲುಪಿದ್ದು, ಸೋಂಕಿನಿಂದ 50,617 ಮಂದಿ ಮೃತಪಟ್ಟಿದ್ದಾರೆ. 5,50,000 ಗುಣಮುಖರಾಗಿದ್ದಾರೆ.
ಶನಿವಾರ ಒಂದೇ ದಿನ 35,000 ಹೊಸ ಪ್ರಕರಣಗಳು ಹಾಗೂ 1,000 ಸಾವು ವರದಿಯಾಗಿತ್ತು. ಅಮೆರಿಕದಲ್ಲಿ ಕೋವಿಡ್–19ನಿಂದ ಈವರೆಗೆ 1,19,900 ಜನರು ಮೃತಪಟ್ಟಿದ್ದಾರೆ. ಅಲ್ಲಿನ ಒಟ್ಟು ಕೊರೊನಾ ಸೋಂಕು ಪ್ರಕರಣಗಳ ಸಂಖ್ಯೆ 22,00,000 ದಾಟಿದೆ.