ಮಾಂಟ್ರಿಯಲ್ :ಸಲಿಂಗ ವಿವಾಹದ ವ್ಯಾಖ್ಯಾನ ಬಲಿಸುವ ಪ್ರಸ್ತಾವವನ್ನು ಆಂಗ್ಲಿಕನ್ ಚರ್ಚ್ ತಿರಸ್ಕರಿಸಿದೆ.
ಚರ್ಚಿನ ಸಾಮಾನ್ಯ ಸಭೆಯಲ್ಲಿ ಈ ವಿಷಯ ಪ್ರಸ್ತಾಪವಾಯಿತು. ಈ ಮಸೂದೆ ಅಂಗೀಕಾರ ಆಗಿದ್ದರೆ, ಗಂಡು– ಹೆಣ್ಣು ನಡುವಿನ ಮದುವೆ ಕಾನೂನಿನ ವ್ಯಾಖ್ಯಾನ ಬದಲಾಗುತ್ತಿತ್ತು.
ಈ ಪ್ರಸ್ತಾಪದ ಪರ ಮತ್ತು ವಿರುದ್ಧವಾಗಿಸಾಮಾನ್ಯ ಜನರು, ಪಾದ್ರಿಗಳು ಮತ್ತು ಬಿಷಪ್ಗಳು ಮತಚಲಾಯಿಸಿದ್ದರು. ಪ್ರಸ್ತಾಪದ ಅಂಗೀಕಾರಕ್ಕೆ ಮೂರನೇ ಎರಡರಷ್ಟು ಬಹುಮತದ ಅಗತ್ಯವಿತ್ತು.
ಜನರು ಮತ್ತು ಪಾದ್ರಿಗಳು ಈ ಪ್ರಸ್ತಾಪದ ಪರವಾಗಿ ಹೆಚ್ಚಿನ ಸಂಖ್ಯೆಯಲ್ಲಿ ಮತ ಚಲಾಯಿಸಿದ್ದರು. ಆದರೂ ಬಹುಮತ ಸಾಧ್ಯವಾಗಲಿಲ್ಲ. ಬಿಷಪ್ಗಳು ಈ ಪ್ರಸ್ತಾಪದ ವಿರುದ್ಧವಾಗಿದ್ದರು.
ಈ ಪ್ರಸ್ತಾಪದ ಅಂಗೀಕಾರಕ್ಕೆ ಎರಡು ಹಂತಗಳ ಮತದಾನ ಅಗತ್ಯವಾಗಿತ್ತು. ಮೊದಲ ಹಂತದ ಮತದಾನ ಮೂರು ವರ್ಷಗಳ ಹಿಂದೆ ನಡೆದಿತ್ತು. ಈ ಪ್ರಸ್ತಾಪವನ್ನು ತಿರಸ್ಕರಿಸಿರುವುದಕ್ಕೆ ಅಸಮಾಧಾನ ವ್ಯಕ್ತವಾಗಿದೆ.